Read Mizo Lushai Sam 46 Bible Online

Sam 46 - Mizo Lushai bible

Sam 46

¹Pathian chu kan inhumhimna leh kan chakna, Mangan laia ṭanpui var ṭhîntu hnai reng a ni.

²Chuvângin, leilung hi lo danglamin, Tlângte hi tuifinriat thûk laiah pil mah sela, Kan hlau lo vang.

³A tuite chu ri hum humin phûl bulh bulh mah sela, A fâwnte chuan tlângte tinghîng dur dur mah sela, Kan hlau chuang hek lo vang.

⁴Lui pakhat a awm a, Chumi pêngte chuan Pathian khawpui a tilâwm ṭhîn; Chungnungbera awmna Hmun Thianghlim chu.

⁵Pathian chu a chhûngah a chêng a, A nghîng lo vang a, Pathian chuan khawfîngchah hunah a ṭanpui ang.

⁶Hnamte an buai zo va, Ramte a nghîng bawk a, Ani chuan aw a chhuah a, lei chu a tui zo ta.

⁷Engkim LALPAN min awmpui a, Jakoba Pathian chu kan kulhbîng sâng a ni.

⁸Hawh u, LALPA thiltihte hi han en teh u, Leia thilte a tihchhiat nasatzia hi.

⁹Indonate chu kâwlkil thlengin a tireh a, Thalte a titliak a, feite a tibung a, Phawte meiah a rawh ral ṭhîn.

¹⁰Ngawi ula, Pathian ka ni tih hi hre rawh u, Hnam tin chunga lal ka ni a, Lei chunga rorêltu ka nih hi.

¹¹Engkim LALPAN min awmpui a, Jakoba Pathian chu kan kulhbîng sâng a ni.