Read Mizo Lushai Sam 47 Bible Online

Sam 47 - Mizo Lushai bible

Sam 47

¹Mi zawng zawngte u, in kut bêng ula, Hlim takin Pathian fakin au rawh u.

² LALPA, Chungnungbera chu a va hlauhawm em! Lei chungah lal ropui tak a ni.

³Kan hnuaiah mite a kûntîr a, Kan ke hnuaiah hnamte a awmtîr hi.

⁴Kan ro luah tûr min thlansak a, A hmangaih Jakoban a chhuan êm êm ram hi.

⁵Pathian chu au thâwm nên a chho va, LALPA chu tawtawrâwt ri nên a chho ta.

⁶Fakin zai rawh u, Pathian fakin zai rawh u, Fakin zai rawh u, Kan Lalber hi fakin zai rawh u.

⁷Pathian hi khawvêl zawng zawng Lal a ni si a, Fakna hla mawiin amah chu fak rawh u.

⁸Hnam tin chungah Pathian chuan ro a rêl a, A lal ṭhutthlêng thianghlimah chuan a ṭhu.

⁹Mi tin zînga mi liante chu an pung khâwm a, Abrahama Pathian mite chu. Pathian chu lei chunga Lalber a ni, Ropui taka chawimawi tûr a ni e.