Read Mizo Lushai Sam 48 Bible Online

Sam 48 - Mizo Lushai bible

Sam 48

¹ LALPA chu a ropui a, fak chiam tûr a ni e, Kan Pathian khawpuiah, a tlâng thianghlimah hian.

²Zion tlâng chu a mawi chungchuang mang e, Ram pum pui timawitu a ni. Zion tlâng hi Zafan tlâng ang a ni, Lal ropui tak khawpui chu.

³Kulh chhûngah chuan Pathian chu a chêng a, Humhimtu a nih a lang.

⁴Lalte an pung khâwm a, Rawn bei tûrin an lo kal khâwm.

⁵An han hmu a, mak an ti a, An hlau ta a, thlabârin an tlânchhia.

⁶Tah chuan an thauvah a man ta a, Nau vei na tuar ang mai an ni.

⁷Khawchhak thliin Tarsis lawng rual A tichhe vek bawk a.

⁸Engkim LALPAN awm reng tûra a din, Kan Pathian khawpuiah chuan, Kan hriat ṭhin kha kan hmuh tâk hi.

⁹Aw Pathian, i Tempul chhûngah chuan, I ngilneihzia kan chhui kan chhui ṭhîn,

¹⁰Aw kan Pathian, i hming an chawimawi a, Ram tinah a thang ta e, Dik takin ro i rêl ṭhîn.

¹¹Zion tlâng chu lâwm hle sela, Judai ram mite chu hlim bawk rawh se, Dik taka ro i rêl avângin.

¹²Zion tlâng hi vêlin kal hual ula, In sângte chu chhiar vek rawh u.

¹³A kulh bangte chu en ngun ula, A thlêrte chu fang vek rawh u, Ṭhangthar zêl hnêna in hrilh atân.

¹⁴He Pathian hi, kumkhuaa kan Pathian a ni, Aman min hruai kumkhua dâwn si.