Read Mizo Lushai Sam 51 Bible Online

Sam 51 - Mizo Lushai bible

Sam 51

¹Aw Pathian, mi ngilnei tak i nih avângin min khawngaih la, Lainatna ngah tak i nih avângin, ka bawhchhiatnate hi thai bo vang che.

²Ka khawlohnate hi min sil faisak la, Ka sualna hi min tlen faisak ang che.

³Ka bawhchhia tih ka hre ta si a, Ka sualzia pawh ka hre reng mai.

⁴I chungah, i chungah ngei thil sual ka ti a, I mit hmuha sual chu ka ti a ni. Ka chungthu i sawi hi a dik e, Thiam loh min chantîr pawh a dik a ni.

⁵A ni, sualin ka lo piang a, Ka nu min pai tirh aṭang rêngin mi sual ka ni.

⁶Ngai teh, nang chuan chhûngril lamahte hian Takna i duh ṭhîn a. I finna chuan min tikhat ang che.

⁷Husop-in tui min theh la, ka thiang ang a, Min sil fai la, vûr aiin ka vâr ang.

⁸Hlim leh lâwm ri mi hriattîr ang che, Ka ruhte hi i titliak na a, Hlimna ka nei leh ang.

⁹Ka sualna hi haider la, Khawlohna zawng zawng thai bo vang che.

¹⁰Aw Pathian, keimahah hian thinlung thianghlim siam la, Rilru thar nghet tak min pe ang che.

¹¹I hnên ata hi min hnawt bo suh la, I Thlarau thianghlim hi min lâksak hek suh ang che.

¹²I chhandam hlimna chu min pe leh la, Thlarauvin dawhthei takin min chelh reng ang che.

¹³Tichuan, i kawngte chu bawhchhetute ka kawhhmuh ang a, Mi sualte chuan i lam an lo hawi ang.

¹⁴Aw Pathian, min chhandamtu Pathian, Thisen chhuahna lakah min hum la, I felzia hi lâwm takin ka puang ang,

¹⁵ LALPA, ka hmuite hi hawng la, Tichuan, ka fak dâwn che nia.”

¹⁶Inthawina hi i lâwm lo va, Lâwm la chu ka rawn hlân tûr, Hâlral thilhlan pawh i duhzâwng ber a ni hek lo.

¹⁷Pathian hnêna inthawina dik tak chu thinlung keh hi a ni, Aw Pathian, lungchhiaa inchhîr ngawih ngawih hi I hmusit ngai lo ve.

¹⁸Aw Pathian, Zion khua chu duhsakin thil ṭha tihsak la, Jerusalem kulh bangte pawh din thar ang che.

¹⁹Tichuan, hâlral leh pumhlan inthawina dik takah chuan i lâwm ang a, I maichâmah bâwngpa an rawn hlân tawh ang.