Read Mizo Lushai Sam 52 Bible Online

Sam 52 - Mizo Lushai bible

Sam 52

¹Aw, nang mi chak, engtizia nge thil sual i uanpui tâk? Pathian ngilneihna zawng a ngai reng ṭhîn asin.

²Mi dang sawichhiat i tum ṭhîn a, I lei lah chu chemte hriam tak ang hi a ni a, Dâwt phuah pawh i thiam ngei mai.

³A ṭha aiin a chhia i ngaina a, Thu dik aiin dâwt sawi i chîng bawk si.

⁴Nang, dâwt sawi hmang, Mi rilru hliam zâwnga thu sawi i hrât hle mai.

⁵Chuvângin, Pathian pawhin a tichhe hlen ang che, A man ang che a, i in ata a hnûk chhuak ang che a, Mi nung ram ata a pawt chhuak daih ang che.

⁶Mi dikte chuan chu chu an hmu ang a, an hlau vang a, An nuihzat bawk ang che.

⁷“En rú, Pathiana innghat duh lo pa hi, A hausakna a rinchhan a, Suahsual bâwla inhum a tum hi,” an ti ang che.

⁸Kei zawng Pathian ina oliv duah hluah hluah ang hi ka ni, Pathian ngilneihna hi ka rinchhan kumkhua chu a ni.

⁹Thil min tihsak avâng hian ka fak kumkhua ang che. Mi inserhte hmaah pawh i ṭhatzia hi ka puang fo vang.