Read Mizo Lushai Sam 53 Bible Online

Sam 53 - Mizo Lushai bible

Sam 53

¹Mi â chuan “Pathian rênga awm lo ve,” an ti rilruṭhîn a, Hlemhle takin an che a, thil sual tenawm an ti ṭhîn. Thil ṭha ti rêng an awm lo ve.

²Pathian zawngtu mi fing an awm emaw tiin vân aṭangin Pathianin mihringte chu a zu thlîr a,

³An zavaiin hnungtawlh, rilru chhe pu an ni a, Thil ṭha ti rêng an awm lo va, Pakhat tê mah an awm hauh lo.

⁴Hlemhlete hian ka mite ei tûr chu an eisak ṭhîn a ni tih hi an hre na nge? Pathian lah chu an lam si lo.

⁵Ngai teh, hlauh lohna tûrah pawh an hlau êm êm ang a, Amah hre lo mite ruh chu Pathianin a theh darha, A thlauhthlâk tâk avângin i timualpho thei ta si a.

⁶Israel-te chhandamna chu Zion ata a lo thleng a, Pathian ngei chuan a mite chu a tihhmuingîl hunah, Jakoba thlahte chu an va hlimin an va lâwm dâwn tak êm!