Read Mizo Lushai Sam 54 Bible Online

Sam 54 - Mizo Lushai bible

Sam 54

¹Aw Pathian, i thiltihtheihnain min chhandam la, I chaknain ka thu min rêlsak rawh.

²Aw Pathian, ka dîlna hi lo ngaithla la, Ka thute hi lo bengkhawn teh.

³Hnam dangte chu min bei tûrin an lo thawk a, Mi hlauhawm pui puiten min thah an tum, Pathian pawisa ngai lote chuan.

⁴Mahse, Pathian chu min ṭanpui ṭhîntu a ni a, LALPA chu min tungding ṭhîntu a ni.

⁵Min tihchhiat tumtute sualna chu Pathianin thungrûl rawh se, Ani chu a rinawm a, anni chu a tiboral ang.

⁶Phal takin inthawina ka rawn hlân a che, LALPA, i ṭha êm a, i hming ka chawimawi ang.

⁷Ka manganna tinrêng ata min chhan chhuak a, Ka hmêlmate tlâwm ta chu ka hmuh tâk hi.