Read Mizo Lushai Sam 56 Bible Online

Sam 56 - Mizo Lushai bible

Sam 56

¹Aw Pathian, min khawngaih rawh, Miten min veh min veh mai a, Min dotuten min zim reng hi!

²Min beituten min veh nilêng ṭhîn a, Aw Chungnungber, an va tam êm!

³Ka thla a phân laiin Kei chuan ka ring ṭhîn che.

⁴Pathian thu chu ka chhuang ang a, Pathian chu ka ring a, ka hlau lo vang, Mihringte chuan eng nge min tih theih ang?

⁵Ka chungthu-ah an inrawlh châmchi a, Ka chhiatna tûr an ngaihtuah ṭhîn.

⁶Hmun kilkhâwrah an inhâwr khâwm ṭhîn a, Ka hnu an chhui ru a, min thah an tum.

⁷An khawlohna avângin chhan chhuah an ni ang maw? Aw Pathian, chûng mite chu thinurin tudawl ang che.

⁸Ka vahvaih zinzia hi i hre vek a, Ka mittui luangte pawh i chhinchhiah a, I lehkhabu-ah chuan ziak vek a ni lâwm ni?

⁹Ka koh hun che chuan ka hmêlmate an tlânchhia ang, Pathian chu ka lama ṭang a nih ka hre si a.

¹⁰Pathian thu chu ka chhuang ang a, LALPA thu chu ka chhuang bawk ang.

¹¹Pathian chu ka ring a, ka hlau lo vang, Mihring maiin eng nge min tih theih ang?

¹²Aw Pathian, i hnêna ka thutiam chu ka hlen ang a, Lâwmthu sawi inthawina ka hlân ang che.

¹³Thihna lakah min chhan chhuak a, Ka kête lung chhuih bah palh lakah min vêng, Tichuan, Pathian hmaah ka lêng thei a, Mi nungte êngah chuan.