Read Mizo Lushai Sam 57 Bible Online

Sam 57 - Mizo Lushai bible

Sam 57

¹Aw Pathian, min khawngaih rawh, min khawngaih rawh, I hnên ka rawn pan a, I thla hnuai hlimah chuan ka lo bi ang, Thil ṭha lo hi a kian hma chu.

²Pathian Chungnungbera chu ka au. Engkim min tihsak ṭhîntu Pathian chu.

³Vân aṭangin min chhâng ang a, min chhandam ang, Min vehtute hmuhsitna ata chu, Pathianin a rinawmna leh ngilneihna A rawn lantîr ngei ang.

⁴Sakei zînga awm ang ka ni, Ka chunga thinrimte zînga ka chên hi, An hâte chu fei leh thal anga hriam a ni, An leite lah khandaih hriam tak ang hi a ni.

⁵Vânahte khian i ropuizia han tilang la, Aw Pathian, lei pumah hian tilang ang che.

⁶Ka awh nân lên an zâr duai a, Ka mangang êm êm mai, Ka kalkhânah hum an lai a, Anmahni ngei an tla ta zâwk.

⁷Ka ring tlat che a ni, aw Pathian, ka ring tlat che, Hla ka sa ang, a ni, i fak hla ka sa ang.

⁸Ka nunna hi ṭhangharh sela, Ṭingṭang leh khuang te u, inpeih rawh u, Khua i han au vâr teh ang.

⁹ LALPA, i mite zîngah chuan ka fak ang che, Mipui zîngah i fak hla ka sa ang.

¹⁰I ngilneihna chuan vân a tawng a, I thutak chuan vân khi a thleng si a.

¹¹Vânahte khian i ropuizia han tilang la, Aw Pathian, leiah pawh hian tilang ang che.