Read Mizo Lushai Sam 6 Bible Online

Sam 6 - Mizo Lushai bible

Sam 6

¹Aw LALPA, thinrimin min zilh suh la, Thinurin min thunun hek suh ang che.

² LALPA, min khawngaih teh, ka chauh êm hi, Ka ruh lamin a na zo ta, min tidam ang che.

³Ka mang a va ang êm! LALPA, eng chen nge mi ngawihsan dâwn?

⁴ LALPA, lo hawi kîr la, min rawn chhan la, I ngilneih êm vângin min hum ang che.

⁵Thi tawhte, tu mah hre reng che an awm lo va, Seol aṭang pawhin tu nge fak che?

⁶Rûmin ka chau zo ta, Zan tin ka mittuiin ka mutna chu a far ṭhîn a, Ka khum a huh vek ṭhîn.

⁷Lungngaih vângin ka mit a thim zo va, Ka hmêlmate avângin ka chau zo ta.

⁸Thil sual ti zawng zawngte u, min kalsan rawh u. LALPA chuan ka ṭap thâwm chu a lo hre ta si a.

⁹ LALPA chuan khawngaih ka dîlna chu a ngaithla a, LALPAN ka ṭawngṭaina chu a lo pawm ta.

¹⁰Ka hmêlmate zawng zawng chu zak takin an chiai ang a, Mualpho takin an tlânchhe nghâl ang.