Read Mizo Lushai Sam 60 Bible Online

Sam 60 - Mizo Lushai bible

Sam 60

¹Aw Pathian, min thlauthlâka, Min tihdarh zawh tâk hi; I thinur hle na a, kan lam lo hawi leh teh.

²Ram chu i sâwi nghîng a, a phel tâk hi, A chhe laite chu thawm la, A tlu mai dâwn alâwm.

³I mite hi thil khirh tak i tuartîr a, Pai pai khawpin uain min intîr hi.

⁴Nangmah ṭihtute chu an inhâwr khâwm theih nân, Thal kâptute lakah flag pe ang che.

⁵I chaknain min rawn chhan la, Kan dîlna hi lo ngaithla teh, I mi duh takte hi an him theih nân.

⁶A hmun thianghlim aṭangin Pathianin thu a sawi: “Sekem khua chu ka sem darh lêng ang a, Sukot ruam chu ka ṭhen darh vek bawk ang.

⁷Gilead leh Manase ram chu ka ta a ni, Efraim ram pawh ka inhumna lukhum a ni a, Judai ram lah ka laltiang a ni si.

⁸Moab ram chu ka insilna chawhtawlh a ni a, Ka ta a nih hriat nân, Edom ram chu ka ta a ni tih hriat nân, Ka pheikhawkin ka vawm ang, tiin. Ka chungah hian Filistia mite chu lâwmin an au ang maw?”

⁹Tu nge kulh nei khuaah mi hruai anga, Edom ramah min kalpui ang?

¹⁰Aw Pathian, min thlauthla ta em ni? Kan sipaite zîngah, aw Pathian, i tel ve tâk loh hi?

¹¹Hmêlma lakah min ṭanpui teh, Mihring ṭanpuina zawng engmahlo mai a ni.

¹²Pathian zârah huai takin kan che ang, Kan hmêlmate a chîl hrep ang.