Read Mizo Lushai Sam 61 Bible Online

Sam 61 - Mizo Lushai bible

Sam 61

¹Aw Pathian, ka au thâwmhi ngaithla la, Ka ṭawngṭaina ngaihven ang che.

²Hla tak aṭangin mangang takin ka auh che hi, Ka kai phâk loh lungpuiah chuan min hlâng ang che.

³Nang chu ka tân himna i ni, Hmêlma laka kulhbîng sâng nghet tak chu.

⁴I puan inah ka awm kumkhua ang a, I thlazâr hnuaiah chuan ka tlulût ang.

⁵Aw Pathian, ka thutiamte i ngaithla a, I hming ṭihtute chan tûr chu min pe.

⁶Lal dam chhûng hi tihseisak la, Tu mawng bêngin dam bawk rawh se.

⁷Aw Pathian, i hmaah chuan lal reng sela, I ngilneih leh i rinawmnain vêng ṭhîn ang che.

⁸Tichuan, i hming ka fak kumkhua ang a, Ka thutiamte ni tin ka hlen bawk ang.