Read Mizo Lushai Sam 63 Bible Online

Sam 63 - Mizo Lushai bible

Sam 63

¹Aw Pathian, ka Pathian i ni a, Ṭhahnemngai takin ka zawng ka zawng che a, Ram ro, tâmlak, tui vânna hmunah hian Nangmah châkin ka tuihâl a, Ka taksa hian a ngai êm êm a che.

²I hmun thianghlimah chuan hmu che ila, I chakzia leh i ropuizia han hmu teh ila aw!

³I ngilneihna hi zawng nunna aiin a hlu, Ka hmuite hian a fak ang che.

⁴Ka dam chhûng zawngin ka fak ang che a, I hming lamin ka bân ka rawn phar ang.

⁵A sa tui tui tlân ang maiin ka tlai ang a, Hlim takin i fak hla ka sa ang.

⁶Khumlaizâwlah ka dâwn ṭhîn che a, Zânkhua khuain ka lam ṭhîn che.

⁷“Min ṭanpuitu nang hi ni la, I thla hnuai hlimah chuan zaiin,

⁸Nangmahah chuan bei tlat ila, I kut ding lamin min chelh tlat la,” ka ti fo ṭhîn.

⁹Min thah tuma mi zawngtute, Leilâwtah an tla ang a,

¹⁰Khandaiha sah hlum an ni ang a, Sihalte chuan an sa an tlân bawk ang.

¹¹Lal chu, Pathianah chuan a hlim ang a, A hming chhâltute chuan Ani chu an chawimawi ang, Dâwt sawi chîngte ka erawh chu huhsak a ni ang.