Read Mizo Lushai Sam 70 Bible Online

Sam 70 - Mizo Lushai bible

Sam 70

¹Aw Pathian, min chhan chhuak thuai la, LALPA, min rawn ṭanpui ang che.

²Min thah tumtute chu mualphovin mangang sela, Ka chhiatna chunga lâwmte chu Zak takin tlânchhe rawh se.

³“Chei! Chei!” min tihkhumtute chu Zak tak maiin tlânchhe rawh se.

⁴Nangmah zawngtu zawng zawngte chu Hlimin au dur dur rawh se. I chhandamna ngaitute chuan “Pathian chawimawi rawh u,” ti fo rawh se.

⁵Kei pachhia leh rethei tak hi, Aw Pathian, min rawn pan thuai ang che. Min puitu leh chhandamtu i ni, LALPA, muangchâng lul suh ang che.