Read Mizo Lushai Sam 75 Bible Online

Sam 75 - Mizo Lushai bible

Sam 75

¹Aw Pathian, lâwmthu kanhrilh a che, I lo hnaih avângin lâwmthu kan hrilh a che. I thiltih ropui takte chu kan hril ṭhîn e.

²“A hun ka ruatah chuan Dik takin ro ka rawn rêl ang,

³Lei leh a chhûnga awmte sîksawi mah se, Kei hian a innghahna ka phûm a ni,” LALPAN a ti.

⁴“Chapote u, inchhuang suh u, Mi sualte u, inluling sú.

⁵Vâna awma lakah indahsâng lo ula, Dâk âwr chungin ṭawng thâwr thâwr hek suh u,” ka ti.

⁶Chhak leh thlang aṭangin emaw, Chhim leh hmâr aṭangin emaw, Rorêlna hi a lo thleng si lo va.

⁷Rorêltu chu Pathian a ni: Ṭhenkhat a titlâwm a, ṭhenkhat a chawimawi ṭhîn.

⁸ LALPAN a thinurna no chu a keng reng a, Uain chi tinrêng chawhpawlha khat a ni, a phûl pâwng thûr mai, Chu chu a bun chhuak a, Mi sualte chuan an in ta a, A mawngnawi lam an lem zo vang.

⁹Kei chuan chatuanin ka chawimawi ang a, Jakoba Pathian chu fakin ka zai ang.

¹⁰Mi sual thiltihtheihna a tichhia ang a, Mi dik thiltihtheihna erawh chu a pung zêl ang.