Read Mizo Lushai Sam 76 Bible Online

Sam 76 - Mizo Lushai bible

Sam 76

¹Judai ram chuan Pathian an hria a, Israel-te chuan a hming an chawimawi ṭhîn.

²Jerusalem-ah chuan a awm a, Zion-ah chuan a chêng a ni.

³Tah chuan hmêlma thalte leh, An phaw leh khandaihte, An râlthuamte a tihchhiatsak a.

⁴Aw Pathian, i ropui e, Hmêlma i hnehna tlâng ata i lo haw chu i ropui ngei mai e.

⁵An mi huaite râlthuam an hlihsak vek a, An thal ta rem rum mai! Mi chak tu mah kut lek thei an awm ta lo.

⁶Jakoba Pathian, nangin i han hau chuan, Sakawr leh a chungchuangte chu an thal dêr mai.

⁷Nang zawng, i lo hlauhawm ngei mai, I thinurin i hmaah chuan tu nge ding ngam awm ang?

⁸Vân aṭanga i thu rêl chu i rawn puan chuan, Lei chu hlauvin a ngawi reng a;

⁹Khawvêla mi retheite chhan tûra, Rorêla i lo thawh chhuah lai khân.

¹⁰Mi kawlhsente chuan an la fak ngei ang che a, I thinurna pumpelhte chuan an bêl ang che,

¹¹ LALPA, in Pathian hnêna in thutiam chu hlen ula, A vêla awmte chuan Hlauhtûra hi An thilpêkte rawn hlân rawh se.

¹²Hruaitute chapona a tihtâwpsak a, Lei lalte tân hlauhawm tak a ni.