Read Mizo Lushai Sam 8 Bible Online

Sam 8 - Mizo Lushai bible

Sam 8

¹Aw LALPA, kan LALPA, Lei pum puiah hian i hming a va ṭha êm! I ropuina vân chung sânga awm chu, Naupangte leh nausênten an hril a.

²Phuba latute leh nangmah dotu, I hmêlmate tihdaihna tûr chu.

³I kutchhuak vânte khi ka han thlîr a, Thla leh arsi i dahte khi,

⁴Mihring hi eng nge maw a niha, i hriat renga, Mihring fapa pawh engtiziaa rawn kan ṭhîn nge i nih le?

⁵Pathian aia hnuai deuh chauhvin i siam a, Ropuina leh chawimawina chu i khumtîr a.

⁶I kutchhuak chungahte i laltîr a, An ke hnuaiah engkim i dah vek a.

⁷Berâm leh ran rual zawng zawng, Ramsate leh chunglêng savate,

⁸Sangha tinrêng leh tuifinriat chhûnga chêngte nên.

⁹Aw LALPA, kan LALPA, Lei pum puiah hian i hming a va ṭha êm!