Read Mizo Lushai Sam 82 Bible Online

Sam 82 - Mizo Lushai bible

Sam 82

¹Pathian chu pathianho zîngah a ṭhu a, An zîngah chuan ro a han rêl a.

²‘Dik lo takin eng chen nge ro in rêl anga, Mi sualte chu in duhsak zêl dâwn le?

³Retheite leh fahrahte chu chhan ṭhîn ula, Pachhiate leh baihvaite chungah pawh ṭhat chhuah rawh u.

⁴Pachhiate leh vâkvaite chu hum ṭhîn ula, Mi sualte kut ata chhan chhuak rawh u.’

⁵Eng mah an hre lo va, eng mah an ngaihtuah bawk hek lo, Thimah an tei mai mai a, khawvêl innghahna ber dikna a bo zo ta e.

⁶Chungnungbera fate niin Pathian fate in ni emaw ka ti a,

⁷Mihring zînga milian, mitê ang lek Thi tûra ruat in ni si a.’

⁸Aw Pathian, lo thawk chhuak la, Lei chungah hian ro han rêl rawh, Hnam zawng zawng hi i ta an ni.