Read Mizo Lushai Sam 83 Bible Online

Sam 83 - Mizo Lushai bible

Sam 83

¹Aw Pathian, ngawi reng teh suh, Reh reng lo la; aw Pathian, awm hle hle suh.

²I hmêlmate an inhrosa a ni, Nangmah hawtute chu an dâk hrâw hrâw ta mai.

³I mite chu vervêk taka beih dân tûr te, I duhsakte chungchâng phiarin an inrâwn a,

⁴‘Hawh u, he hnam hi i nuai bo vang, Israel hming hi bo hlen rawh se,’ an ti.

⁵An inthurual ta a, Nangmah bei tûr chein thu an thlung ta,

⁶Edom mi te, Ismael mi te, Moab leh Hagar mi te,

⁷Gebal leh Amon mi te, Amalek leh Filistia-ho, Tura khaw mi te nên an inthurual.

⁸Asuria pawh an zîngah chuan a tel ve, Lota thlahte ṭanpui tûrin.

⁹Midian chunga i tih ang khân, Kison luia Sisera leh Jabina ang khân ti la,

¹⁰Endor khuaa i tihhlumte ang khân, An ruang chu lei chungah ṭawih hlawm rawh se.

¹¹An mi liante Oreba leh Zeeba angin siam la, An lalte chu Zeba leh Zalmuna angin.

¹²‘Pathian ram duh lai chu I luahlân ang u,’ an ti vei a.

¹³Aw ka Pathian, ṭhâwngaleivir lâktîr ang che, Thliin buhpâwl a len ang hi ni hlawm rawh se.

¹⁴Ramhnuai a kâng ang leh Tlâng hnim a kâng hluah hluah ang hian,

¹⁵Thlipuiin nuai nek la, I thli hrâng chuan tichiai rawh.

¹⁶An hmêlte chu sen awp awp khawpin tizak ang che, LALPA, i hming an lam theih nân.

¹⁷Mualpho leh beidawngin awm kumkhua sela, Zak takin boral rawh se.

¹⁸I hming chu LALPA a ni a, Nang chauh hi khawvêl pum puia Chungnungbera i nih hre rawh se.