Read Mizo Lushai Sam 84 Bible Online

Sam 84 - Mizo Lushai bible

Sam 84

¹Engkim LALPA, i chênna chu a va duhawm em!

² LALPA, i tualzâwl hi ka ngai ṭhîn a, A ni, ka lung a lêng hle ṭhîn. Ka nun pum hi Pathian nung Fakin hlim takin a au va ni.

³I maichâm bulahte chuan chawngzawng pawhin bu chhehna tûr a hmu a, Vamûrte chuan an note dahna tûr bu an chhep bawk. Engkim LALPA, ka lal leh ka Pathian.

⁴I ina chêngte chu an nihlawh e, An fak fo thei ṭhîn che a ni.

⁵I hnên ata chakna dawng ṭhînte chu an nihlawh e, Zion lamlian zawh châk ṭhînte chu.

⁶Baka ruam ro an kalna chu kal tlang mah se, Tui hna awmnaah a chantîr a, Ruah hmasa chu a tling lung ṭhîn.

⁷An kal chu an tha a zâng tawlh tawlh a, Zion-a Pathian hnên an thleng ngei ang.

⁸ LALPA, Engkim Pathian, ka dilna hi lo ngaithla la, Aw Jakoba Pathian, i beng lo chhi ang che.

⁹Aw Pathian, kan phaw, en teh, I hriakthiha hi duhsak ang che.

¹⁰I biak in tuala ni khat awm chu Hmun danga ni sângkhat awm aiin a ṭha zâwk. Kan Pathian in kawngkhâr vêngtu nih chu, Mi sual puan ina awm ai chuan ka thlang zâwk.

¹¹Ka tân LALPA hi ni leh phaw a ni, Aw Pathian, min khawngaih la, min chawimawi rawh. LALPAN a ṭhatna chu a ui lo vang, Dik taka ti ṭhînte lakah chuan.

¹²Engkim LALPA, nangmah ringtute chu an nihlawh e.