Read Mizo Lushai Sam 85 Bible Online

Sam 85 - Mizo Lushai bible

Sam 85

¹ LALPA, i ram i duhsak a, Jakoba chu i tihmuingîlleh ta a,

²I mite bawhchhiatna i hlîp a, An sual zawng zawng i ngaidam bawk.

³I thinurna i hnûk kîr a, I thinrim nasa tak chu i la kîr ta.

⁴Min chhandamtu Pathian, kan lam lo hawi leh la, Kan chunga i lungnihlohna chu tidai ang che.

⁵Kan chungah hian i thin a ur rengin, Rei tak i thin a rim zêl dâwn em ni?

⁶I mite hi i chungah kan hlim theih nân, Min tiharh leh tawh dâwn lâwm ni?

⁷ LALPA, i ngilneihna chu lantîr leh la, Min rawn chhandam ang che.

⁸ LALPA, Pathian chuan eng nge a sawi ka ngaithla teh ang, A mi, amah ngaihsaktute tân remthu a sawi a, A mi rinawm, thinlung taka amah pantute hnênah chuan.

⁹Amah ṭihtute chu a chhandam duh ngei ang, kan ramah hian a ropuina a chêng bawk ang.

¹⁰Ngilneihna leh rinawmna chu an awm dûn ang a, Dikna leh remna pawh an inkuah ang.

¹¹Lei aṭangin rinawmna chu a chawr ang a, Vân aṭangin dikna a lo zâm thla bawk ang.

¹² LALPA pawhin thil ṭha a pe ang a, Kan ramah hian buh leh thlaite a thar ṭeuh vang.

¹³Diknain a hma a hruai ang a, A kalna tûr kawng chu a buatsaih ang.