Read Mizo Lushai Sam 95 Bible Online

Sam 95 - Mizo Lushai bible

Sam 95

¹Hawh u, LALPA fakin hlimtakin i zai ang u, Min humhimtu Pathian fakin i au chiam ang.

²Lâwmthu sawiin a hmaah kal ila, Hlim takin a fak hla i sa ang u.

³ LALPA hi zawng Pathian ropui tak a ni a, Hnam dang pathiante chunga Lalber a ni.

⁴Lei chhûngril thûk takte a kuta awm a ni, Tlâng sângte pawh a ta a ni.

⁵Tuifinriat hi a ta a ni, a siam a ni si a, Khawmual pawh hi a kutchhuak a ni e.

⁶Lo kal ula, chibai bûkin a hmaah chuan i kûn ang u, LALPA min siamtu hmaah chuan i ṭhingṭhi ang.

⁷Ani chu kan Pathian a ni a, Keini pawh hi a rama tla, a kuta awm berâmte chu kan ni. Vawiin ngei hian a thu hi ngaithla teh ula aw!

⁸“Meriba-a an tih ang khân in thinlung chu tikhauh suh u, Masa thalêra an tih ang khân.

⁹In pute khân tah chuan min chian a, Ka thiltihte an hmu chungin min fiah lui a.

¹⁰Anni chu kum sawmli chhûng khân ka kham hle a, Mi luhlul tak an ni. ‘Ka duhzâwng pawh an hre thei lo,’ ka ti ṭhîn a.

¹¹Ka thinur a, thu ka tiam ta tlat a, ‘Ka pêk tûr, hahchawlhna ram chu, an thleng lo vang,’ ” tiin.