Read Mizo Lushai Sam 97 Bible Online

Sam 97 - Mizo Lushai bible

Sam 97

¹ LALPAN ro a rêl e, lei hi lâwm se, Thliarkârte u, hlim bawk rawh u.

²Chhûm leh thim mup a vêlah chuan a awm a, Dik taka tih leh tluang taka rorêl hi A lalṭhutthlêng nghahchhan a ni.

³A hmaah mei a alh reng a, Amah hualtu hmêlmate chu a kâng ral ṭhîn.

⁴A kawlphe chuan khawvêl a ên zawr zawr a, Leiin a han hmuh chuan a khûr.

⁵ LALPA hmaah khawihnûn angin tlângte an tui a, Khawvêl pum pui hi LALPA hmaah chuan.

⁶Vânte khian a dikzia an tlângaupui ṭhîn a, Mi zawng zawngin a ropuizia an hmu.

⁷Milem betute chu an zak ang a, Milem chhuangtu zawng zawngte leh Pathian dang zawng zawng pawh a hmaah an kûn ang.

⁸Zion tlâng chuan a lo hria a, a lâwm hle a, Judai ram mite chu hlim takin an au va, LALPAN a chhan chhuah tâk avângin.

⁹ LALPA, nang chu khawvêl pum puia chungnung ber i ni, Pathian dang zawng aiin i chungnung zâwk.

¹⁰ LALPAN sual hawtute chu a hmangaih a, Inserhte chu a vêng reng a, Mi sual kut ata chu a chhan chhuak ṭhîn.

¹¹Mi dik tân khua a lo êng a, Mi ngîlte tân hlimna a lo thleng bawk.

¹²Mi dikte u, LALPA-ah lâwm ula, A hming thianghlim chu fak rawh u.