Read Mizo Lushai Sam 98 Bible Online

Sam 98 - Mizo Lushai bible

Sam 98

¹A thil mak tih ropui tak avângin, LALPA chu fakin hla thar sa rawh u, A kut ding lam leh a bân thianghlim ngei chuan Chhandamna a rawn thlen ta.

² LALPAN a hnehna chu a rawn lantîr a, Hnam tin hmaah thil a tihdikzia a tilang ta.

³Israel chhûngte chunga a ngilneihzia leh a rinawmzia a hre reng a, Pathian chhandamna chu khawvêl pum hian an hmu ta e.

⁴Khawvêla mi zawng zawng hian LALPA chu fak ula, Hlima auvin hla sa rawh u.

⁵Ṭingṭangte nên LALPA fakna hla sa ula, Perhkhuang ri mawi tum bawk rawh u.

⁶Tawtawrâwt leh seki tumin Kan Lalber, LALPA hi fak chiam rawh u.

⁷Tuifinriat leh a chhûnga awmte chu au dur dur se, Lei leh a chhûnga chêngte pawh.

⁸Luipuite chuan a hmaah an kut bêng sela, Tlângte pawh hi hlimin au rual rawh se.

⁹Khawvêl rorêl tûrin LALPA a lo kal e, Mi tin dik tak leh fel takin a rêlsak ang.