Read Mizo Lushai Sam 99 Bible Online

Sam 99 - Mizo Lushai bible

Sam 99

¹ LALPAN ro a rêl a, mi tin an khûr, Cherub chungah ṭhuin ro a rêl a, Leilung hi a nghîng dur dur mai.

²Zion-a LALPA chu a ropui êm a, Mi zawng zawng aia chungnung daih a ni.

³A hming ropui leh hlauhawm tak chu mi tinin fak rawh se, Mithianghlima a ni.

⁴Aw, Lal chak ber, dikna i ngaina a, Thu dik i kengkawh ṭhîn, Jakoba chhûngte zîngah rorêlna ṭha leh dik I rawn awmtîr ta a.

⁵ LALPA, kan Pathian hi chawimawi ula, A ke bulah ṭhingṭhi rawh u. Mi Thianghlima a ni.

⁶Mosia leh Arona chu a puithiam an ni a, A hming lamtu Samuela a ni. LALPA an au va, a lo chhâng ṭhîn.

⁷Chhûm ding aṭangin Pathianin a sawi a, A thu hrilh leh a thupêk chu an zâwm.

⁸ LALPA, kan Pathian, anni chu i chhâng a, An thil sual tih phuba latu i ni na a, Ngaidam ṭhîntu i nih pawh i hriattîr ṭhîn.

⁹ LALPA, kan Pathian hi chawimawi ula, A tlâng thianghlimah hian chibai rawn bûk rawh u. LALPA, kan Pathian hi a thianghlim e.