Read Mizo Lushai Thufingte 17 Bible Online

Thufingte 17 - Mizo Lushai bible

Thufingte 17

¹Buh leh sa neih rei ruia chhûngkaw inngeih si loh ai chuan, Inngeih taka chaw ṭhing ei a hlu zâwk.

²Chhiahhlawh fing chu fapa tlâktlailo ai chuan a lal zâwk ang, Unau zînga mi ang maiin pa ro a chang ve ang.

³Tangka leh rangkachak thukah an rawh thianghlim angin, LALPAN mihring thinlungte a fiah ṭhîn.

⁴Mi sualte chuan thil sual an ngaihven a, Dawtheite chuan dâwt thu an ngaithla ṭhîn.

⁵Rethei nuihzattu chuan Siamtu a hmusit a ni; Chhiat a tawha diriamtu chuan hrem a pumpelh lo vang.

⁶Tu leh fate hi pate tiropuitu an ni a, Fate timawitu chu pate hi an ni bawk.

⁷Mi chhawih tân mawi taka ṭawng a âwm lo va, Milian tân dâwt sawi a mawi hek lo.

⁸Thamna hi dawi anga thiltithei nia ngai an awm a, An lekna lam apiangah hlawhtlingin an hria.

⁹Sual ngaihdam hi ngainat hlawhna a ni, Kam tam erawh chu ṭhian ṭhenna a ni.

¹⁰Mi â vawi za ben ai chuan, Mi fing vawi khat zilh a sâwt zâwk.

¹¹Mi sual chuan vuivaina ngawt a zawng a, Mi nunrâwng a hnênah an tîr ang.

¹²Mi â-in thil â tak a tih lai va tawn ai chuan, Savawm no ngai tawhchilh a ṭha zâwk.

¹³Thil ṭha suala thungrûltu chu, Thil ṭha lovin an chhûngkua a chhuahsan lo vang.

¹⁴Inhnial hi tuikhuah sah tûr khi ṭan ang hi a ni a, A zual hmain titâwp ang che.

¹⁵Mi sual thiam chantîra, Mi ṭha thiam loh chantîr chu LALPAN a haw ve ve.

¹⁶Mi â kuta tangka awm chu eng nge a ṭangkaina? Rilru nei si lo chuan finna a lei thei dâwn em ni?

¹⁷Ṭhian chuan eng lai pawhin min hmangaih a, Unaute hi mangan hun atâna lo piang an ni.

¹⁸Mi leiba mawhphurhsaka, Ṭhenawmte tân dahkhama ṭang chu A â hle a ni.

¹⁹Thil sual lâwmtu chuan buai a duh a ni; Mi uangthuang chuan chhiatna a tâwk ngei ang.

²⁰Mi kawi chuan thil ṭha a tawng lo vang a, Mi ṭawngtlahawlh chuan chhiatna a tâwk ngei ang.

²¹Fa â tak neitute chu an lungngai ṭhîn, Chutiang pa chu an hlim ngai lo.

²²Hlim hi hrisêlna a ni a, Ngui renga awm hi chauhna a ni.

²³Mi sual chuan puan hnuaiah thamna a dawng a, Dik takin ro a rêl thei lo.

²⁴Mi fing chuan thil fing a ti ṭhîn a, Mi â erawh chuan kil tin a hâwl dûm ṭhîn.

²⁵Fa â chuan a pa a timangang a, A nu tân pawh inchhîrawm tak a ni.

²⁶Mi dik lei chawitîr hi a dik lo va, Dik lohna nei si lo milian vuak lah a dik hek lo.

²⁷Thil hre tam chu a ṭawng mai mai lo va, Thil hrethiam tawh rilru chu a nghet a ni.

²⁸Mi â chu a ṭawng loh chuan finga ngaih a ni a, I hmui chîp la, fin i hlawh ang.