Read Mizo Lushai Thufingte 23 Bible Online

Thufingte 23 - Mizo Lushai bible

Thufingte 23

¹Milian nên chaw in kîl dâwnin, I hmaa ṭhu chu en ngun rawh,

²I ril a ṭâm hle pawhin insûm deuh la,

³Ei tûr tuihnai a hlui che chu, A bum tumna che a ni mai thei.

⁴Hausak tumin inhmang zo suh, Inkhêk deuh la, a fing zâwk ang.

⁵Hausakna chu i hmuh veleh a bo mai ang, Thla a nei ta emaw tih tûr a ni ang a, Mupui angin vân lamah khian a thlâwk bo vang.

⁶Khawhringneite chawhlui kîl suh la, Ei tûr tuihnai a neih chu ît hek suh.

⁷‘Ei la, in teh,’ a ti ang che a, Duhsak tak tak si lo chein, Tum nei ru râna thil ti a ni.

⁸I thil ei chu i luak chhuak leh ang a, Amah i fakna chu a thlâwn mai a ni ang.

⁹Mi â zilh suh, i thu fing chu Engah mah a ngai lo vang.

¹⁰Ramri awm sa chu sawn suh la, Fahrahte ram chhuhsak hek suh.

¹¹An tlantu chu ropui tak a ni a, Anni chu a ṭan ang a, a khing ang che.

¹²An zirtîrna che chu ngai ngun la, Thil hriat tûr chu ngaihven rawh.

¹³Naupang chu thunun lohvin zuah suh, I vuak avângin a thi lo vang.

¹⁴Tiang i lek ṭhin chuan, A nunna chu Seol aṭangin i chhan chhuak dâwn a ni.

¹⁵Ka fapa, i fin chuan kei hi mi lâwm ang.

¹⁶Thufing i phuh chhuah leh ka lâwm êm êm ang.

¹⁷Mi sualte chu awt rilru suh, Ni tin LALPA ṭih i chîn chuan

¹⁸I tân a la ṭha ang a, I beisei chu a thlâwn lo vang.

¹⁹Ka fapa, ngaithla teh, fing la, I awm dân hi ngaihtuah ngun teh.

²⁰Zu heh mi zîngah awm suh la, Sa heh mi kâwm hek suh.

²¹Zu heh leh sa heh mi chu an pachhia ang a, Ruih chîng chuan kawr ṭet a ha ang.

²²A hringtu che i pa thu chu awih la, I nu a tar hnuin hmusit hek suh.

²³Thu dik te, finna te, kaihhruaina te, hriatna te lei rawh, Hralh leh tawh suh.

²⁴Mi dikte pa chu a hlim ang a, Fapa fing neitu chu a lâwm hle ang.

²⁵I nu leh pain chhuang hle che sela, A paitu che tihlim ṭhin rawh.

²⁶Ka fapa, ka thu hi awih la, Ka nun dân hi entawn ang che.

²⁷Mi hur leh nawhchizuarte hi Thang hlauhawm tak an ni.

²⁸Suamhmang angin mi an châng a, Mihring zîngah mi rinawm lo an pun phah ṭhîn.

²⁹Tute nge ninawm tak, che pawr hle ṭhîn, Buaipuiawm tak, vui reng mai si, A ṭûl lova pem pheng phunga, Meng sen rêm rûm ṭhîn le?

³⁰Zu in reng mai, Zu chi hrang hrang chawhpawlh hrâtte hi an ni.

³¹Zu sen lang mai, îtawm taka nova tling, Lem nuam âwm tak ni mah se, Melh duh hauh suh ang che.

³²A tûkah chuan rûl tûr neiin A chu ta che emaw i ti ang a,

³³Thil mak pui pui i hmu ang a, I rilru a buai ang a, i riat nuah nuah ang.

³⁴Lawng ngul lêra awm, inthên inthên, Lawng rui angin i inhria ang.

³⁵‘Min tithal dêr mah se, pawi ka ti lo, Leiah let dêr mah ila a pawi hlei nêm, Ka ṭhanharh hunah chuan, Ka in leh bawk ṭhîn ang,’ i ti ang.