Read Mizo Lushai Thufingte 26 Bible Online

Thufingte 26 - Mizo Lushai bible

Thufingte 26

¹Nipuia vûr tla leh buh seng laia ruah sûr a inhmeh lo angin, Mi âten chawimawi an inhmeh lo.

²Sava thlâwk leh vamûr lêng lai an fu lo ang hian, A chhan awm lovin ânchhia pawh i dawng lo vang.

³Sakawr chu vuak a ngai a, Sabengtung lakam barh a ngai a, Mi â hnungzâng pawh vuak a ṭûl a ni.

⁴Zawhna â tak tak i chhân zêl chuan, Nang pawh a zâwttu ang bawka â i ni ang.

⁵Mi â chu a ât dân ang lekin chhâng la, Chutilo chu, fing hlein a inngai ang.

⁶Mi â zualkova tîrtu chu, Mahni ke tan ang mai a ni, a tuar ngei ang.

⁷Mi â tân chuan thufing hi, Ke zeng, thên mai mai ang hi a ni.

⁸Mi â chawimawi chu a sâwt lo, Sairawkherha saihlum ṭâwn beh ang a ni.

⁹Mi â tân thufing phuh chhuah chu, Zu ruiin a kuta hlîng khei a tum ang hi a ni.

¹⁰Mi â veivâk nazawng leh zu rui ruaitu chu, A hmuh apiang thala kâp hliamtu ang hi a ni.

¹¹Mi â-in thil â tak a tih nawn chuan, Ui-in a luak a ei leh ang hi a ni.

¹²Fing si lova fing hlea inhria ai chuan, Mi â tak chan a ṭha zâwk.

¹³Thatchhia chuan, ‘Kawngah sakei a awm, Tualah sakeibaknei a awm,’ tiin a pâwnchhuak ngam lo.

¹⁴Kawngkhâr kawpzaa a her ang hian, Thatchhia chu khumah a her vêl ṭhîn.

¹⁵Thatchhia chuan chawthlêng a zen a, A bâr leh peih si lo.

¹⁶Thil chhût thiam mi pasarih aiin thatchhia chuan fingin a inhre ṭhîn.

¹⁷Tel ve lohna tûra lo inrawlh chu, Ui tual lêng benga man tum ang a ni.

¹⁸Mi â-in meichher te, thal te, hriam te A khawih a khawih chuan thih theihna mai a ni.

¹⁹Mahni ṭhenawmte buma, ‘Ka fiamthu a nih kha,’ titu ang hi a ni.

²⁰Thing a awm loh chuan mei a thi a, Se se-a thu lâk chîng an awm loh chuan buaina a reh.

²¹Meihawl a tam leh a ling a nasa a, Thing a tam leh a alh ṭha ṭhîn, Mi phunchiar tamnaah buaina a punlun ṭhîn.

²²Mi rêl hi thil tuihnai tak ang hi a ni, Tui kan va ti ṭhîn em!

²³Kam ṭha êm êm thinlung sual si chu, Hlumbêl an hnawih tlêt ang hi a ni.

²⁴Mi vervêkin a huatzâwng chu, Ṭawng ṭhain a khuh ṭhîn.

²⁵A ṭawngkam a tihthlum hle chuan ring suh, A thinlungah tenawm pasarih a awm a ni.

²⁶A rilru chhia chu thup mawi mah se, A sualzia chu pung khâwm zîngah a la lang ang.

²⁷A hum laihah chuan amah a tla ang a, A lung lum chuan amah a la delh ang.

²⁸Mi dawthei chuan a bumte a lo haw hle ṭhîn a ni, Fak der chîng chuan chhiatna a thlen.