Read Mizo Lushai Thufingte 28 Bible Online

Thufingte 28 - Mizo Lushai bible

Thufingte 28

¹Mi sual chu ûm lohvin a tlânchhia a, Mi dikte erawh chu sakeibaknei angin an ngam.

²Ramin thil a tihsual chuan hruaitu an inthlâk zut a, Hruaitu fing leh remhriate avângin hnam a ding chhuak ṭhîn.

³Lal sual, rethei tiduhdahtu chu, Ruahpuivânâwn, buh nan chhetu ang hi a ni.

⁴Dân pawisa lotu chuan mi sual a ṭan a, Pawisatu erawh chuan a kalh a ni.

⁵Mi sual chuan dik taka rêl dân a hre lo va, LALPA zawngte erawh chuan engkim an thliar thiam ṭhîn.

⁶Rethei mah ila ngîl taka nun hi, Hausa hlea kawi taka nun ai chuan a ṭha.

⁷Fapa fing chuan Dân a zâwm a, Mi vîr kâwmtu chuan a pa a tizak ṭhîn.

⁸A pung ûma hlêp ṭeuh ṭeuhva intihausate chuan, Rethei khawngaih ṭhîntute tân an khâwlsak mai a ni.

⁹Dân thu ngaithla duh lotu chu, A ṭawngṭaina pawh tenawm a ni.

¹⁰Mi ngîl thil sual tihtîrtu chu, Ama hum laihah chuan a tla ang a, Mi ṭha erawh chuan thil ṭha a dawng ngei ang.

¹¹Mi hausa chuan fing a inti hle a, Rethei fing chuan a hmu tlang ṭhîn.

¹²Mi dik an lal chuan mi an hlim êm êm ṭhîn a, Mi sual an lal chuan an bibo dial ṭhîn.

¹³A bawhchhiatna zêptu chu a hmuingîl lo vang a, Inpuanga sim erawh chuan zahngaihna a hmu ang.

¹⁴ LALPA ṭih fotu chu a nihlawh e, Mi luhlul erawh chu a vânduai ang.

¹⁵Rorêltu sual chu mi rethei tân, Sakeibaknei rûm leh savawm vâk ruai ang hi a ni.

¹⁶Hruaitu hriatna tlachham chu a râwng hle ṭhîn, Duhâmna hawtu chu a dam rei ang.

¹⁷Tualthattu chu a tualtlân vat ṭhîn, Tu man lo hum suh se.

¹⁸Mi rinawm chu a him ang a, Mi rinawm lo chu a tluchhe thuai ang.

¹⁹Mahni lo thlo taima chuan buh a ngah ang a, Awm mai mai chu an pachhe ngei ngei ang.

²⁰Mi rinawmte chuan malsâwmna an dawng ṭeuh vang a, Hausak thut tumte erawh chuan an tuar ngei ang.

²¹Duhsak bîk neih hi a dik lo va, Mahse, thamna chhetê vânga thil dik lo tih duh an awm.

²²Mi huamhap chuan hausak thuai an tum ṭhîn a, Tlâkchham hun tûr a awm thei tih an dâwn pha lo.

²³Mi fak der ai chuan zilh la, A la lâwm zâwk ang.

²⁴Nu leh pate thil rûksaka, pawiti si lo chu, Suamhmang ṭhian a ni.

²⁵Mi duhâm chuan innghirnghona a tichhuak a, LALPA ringtu chu a hmuingîl ṭhîn.

²⁶Mahni inrin viau hi a âtthlâk hle, Mi fing thu zâwmtu erawh chu a him ang.

²⁷Rethei ṭanpui la, tlâkchham i nei ngai lo vang, Pachhia maimitchhînsantu chu ânchhia an lawh huai huai ang.

²⁸Mi sual an dinchan chuan mi an ṭi dêk a, An chhiat erawh chuan mi dik chan a ṭha ṭhîn.