Read Mizo Lushai Thuhriltu 10 Bible Online

Thuhriltu 10 - Mizo Lushai bible

Thuhriltu 10

¹Tho thi chuan tel rimtui a bûr chawpin a tirimchhia. Âtna nêp tak pawhin Finna leh zahawmna a chhilh thei.

²Mi fingin thil tih âwm a hria a, Mi â chuan a hre ve lo.

³Mi â khawlai lêng chuan amah a inhre lo, A âtzia mi tin a hrilh lek a ni.

⁴Hotu i chunga a thinrimin tauhsan mai suh, Ngawih hian thil ṭha lo tam tak a tidai thei.

⁵Vân hnuaiah thil ṭha lo tak ka hmu: chu chu thuneitute tihfuh loh a ni:

⁶Mi â an dah sâng a, mi hausa an dah hniam hi.

⁷Chhiahhlawh sakawr chunga chuang ka hmu, chhiahhlawh anga mi lian kea a kal ka hmu bawk.

⁸Hum i laih chuan i tla ang a, A bâwm i tihpawh chuan rûlin a chu ang che.

⁹Lung khura hna i thawh chuan Lungin a chilh ang che. Thing i eh chuan i la intipalh ang.

¹⁰Hriamhrei bil i tah loh chuan A hman a hahthlâk ang. Thil ngaihtuah lâwk hi a hlâwk a ni.

¹¹Dawi ât hmaa rûlin a chuk che chuan Dawi thiam nih sâwtna a awm lo.

¹²Mi fing chu ama thuin a chawimawi a, Mi â chu ama thuin a tichhe ṭhîn.

¹³A ṭawngkam chhuak hmasa chu a â hle a, A sawi zêl pawh a â tulh tulh a ni.

¹⁴Mi â chu a pâwt mai mai a, Thil lo thleng tûr hria tu mah an awm lo. Thih hnua thil thleng tûr hria pawh an awm lo.

¹⁵Mi â chu hâwn nachâng hre lovin A inthawk chau hnêp ṭhîn.

¹⁶Naupang chu lal a niha, Hotute zîng aṭanga zu an ruih chuan, Ram chu a va khawngaihthlâk êm!

¹⁷Lal chu mi pangngai fa a niha, Mi lianten a hun taka chaw an eia, Rui lova insûm thei an nih chuan Ram chu a va nihlawh êm!

¹⁸In chung pawp thawm peih lotu in chu A far ang a, a chim mai ang.

¹⁹Ruai hian mi a tilâwm a, Uain hian nun a tihlim, Mahse, hêng thil atân hian tangka a ṭûl zêl a ni.

²⁰Lal chu i rilru pawhin ânchhia lawh suh, Pindan chhûngrilah pawh miliante ânchhia lawh hek suh, Chunglêng savaten i thu chu an thlawhpui ang a, An va hrilh mai dah ang e.