Read Mizo Lushai Thuhriltu 11 Bible Online

Thuhriltu 11 - Mizo Lushai bible

Thuhriltu 11

¹I buh chu tuipuiah tawlh chhuak la, A hlâwkna i la têl ang.

²Thil ṭha lo khawvêla thleng tûr i hre lo va, Kawng sarih kawng riatah i neih chhep rawh.

³Chhûm a chhah chuan ruah a sûr ṭhîn, Hmâr zâwngin emaw, chhim zâwngin emaw Thing chu a tlûk dân ang angin a awm mai ang.

⁴Duhthusâm anga khaw awm i nghah chuan Buh tuh hun emaw, seng hun emaw i hmu lo vang.

⁵Thli tlehna tûr i hre lo ang leh Nu puma nau insiam dân i hre lo ang bawk hian, Pathianin thil engkim a siam dân i hre pha lo.

⁶Zîngah buh tuh la, tlaiah pawh tuh rawh, A ṭo ṭhat vek dâwn leh dâwn loh i hre si lo. Zînga tuh nge ṭha tlaia tuh i hre hek lo.

⁷Êng hi a hmuh a nuam a, Ni Êng hmuh theih hi a ṭha e,

⁸I dam rei leh lâwm zêl la, Thim lo thleng tûr chu a rei dâwn tih hre reng rawh, Eng mah beisei tûr dang a awm lo.

⁹Ṭhalaite u, in ṭhat lai hun hi chên ula, In la naupan lai hian hlim takin awm rawh u. In duhzâwng chu ti ula, Ṭha in tih angin awm rawh u. Amaherawhchu, in thiltih ang zêlin in chungah Pathianin ro a rêl dâwn tih hre reng rawh u.

¹⁰Engto eng mah nei suh ula, Intibuai duh hek suh u. In ṭhat lai ni a liam mai dâwn.