Read Mizo Lushai HLA THLAN KHAWMTE 3 Bible Online

HLA THLAN KHAWMTE 3 - Mizo Lushai bible

HLA THLAN KHAWMTE 3

¹Laikhum zâlin zan tin ka dâwn ṭhîn a, Ka dap vêl a, ka duh tak chu A awm si lo.

²‘Ka tho vang a, kan vâng khawpui fangin, Ka duh tak chu, thlêr tin, Daikâwm hrûtin ka zawng dâwn e.’ Ka zawng ruai a, ka tawng si lo.

³Khawpui vêngtu kal vêlte chuan min hmu, Ka duh tak chu an tawng emaw ka han zâwt a.

⁴Anni ka pelh hnu lawkah chuan Ka duh tak chu ka hmu a, Ka vuan tlat a, Ka nu pindan, min hrinnaah Ka hruai luh hma loh chu Ka thlah phal lo.

⁵Jerusalem nulate u, Khâm saza leh ram zukchal chhâlin Ka ngên tlat a che u, Duh tâwk a ngah hma chu, Kan induh lai min tho suh u.

⁶Tu a ni nge meikhu ding ang, thlalêra lo kal saw? Dâwra an zawrh mura rim leh beraw rimtui a nam veng veng.

⁷Lal Solomona, bâwmin an rawn zâwn a, Pheisen vâl rual kawp sawmthumin an vêng, Israel zînga chhuanvâwrte chuan.

⁸Ngûnhnâm vai thiam hlîr an ni a, Râlhrât tak vek an ni. An khandaihte an pai ṭheuh va, Zâna rawn beitu an ûm lêt nân.

⁹Lebanon tlâng thinga siam zâwnbâwm chhûngah Solomona a ṭhu,

¹⁰A zâwnfung tangkarua, A khuhna rangkachak zai tah khâwm, A ṭhutna, puan senduka tuam, Jerusalem nuten uluk taka an siam A chhûng chei nân an hmang.

¹¹Zion nulate u, lo chhuak ula, Solomona hi lo hmuak rawh u. A nupui neih ni, a hlimna ni-ah hian, Lukhum cheimawi a nu’n a khumtîr hi.