Read Mizo Lushai HLA THLAN KHAWMTE 4 Bible Online

HLA THLAN KHAWMTE 4 - Mizo Lushai bible

HLA THLAN KHAWMTE 4

¹Ngai teh, duh tak, i mawi mang e, Ngai teh, i nalh ngei mai. I inkhuhna phêna i mit meng chuan a iang e ṭhuva, A iang rêng e i bahsam chuan Gilead tlânga lêngkêl tlân thla seng seng.

²I hâte chu a vâr siau va, Berâm hmul meh hlim bual fai angin, A kawpkim fer mai a, Bal rêng a awm lo ve.

³Zozâm iangin i heh a sen ser a, I hmuiphun chu a mawi ngei mai. I hmai khuhna phênah i biang a tai têk si.

⁴I nghâwngin a iang e Davida râlthuam in sâng, Râlhrât phaw sâng tam tak an bânna chu.

⁵I ṭângnêmin a iang e saza phîr Lili zînga tla dûnte chu.

⁶Zîng thlifîm a tleh a, tlaikhua a vâr hma hian Mura tlângah ka kal teh ang, Beraw hmunpuiah chuan.

⁷Duh tak, i hmêl a va mawi êm! Iaiawm lai rêng a awm lo,

⁸Lebanon tlâng ata, ti rawh, lungdi, Lebanon tlâng ata i chhuk dûn ang. Amana tlângchhîp ata chu lo chhuk la, Sakeibaknei leh keite chênna Senir leh Hermon tlâng ata i chhuk dûn ang.

⁹Bawihte, kei ka lungdi, Min zial â zo dâwn alâwm, Vawi khat mitsîr ka buai phah e, I ṭhi mal awrh vei nên.

¹⁰Bawihte, i hmangaihna a duhawm kher mang e, Kei ka lungdi, uain hnehin ka thlang i hmangaihna, Rim azawngah i rim a tui ber a.

¹¹Aw ka lungdi, i hmui khawipui zuin a far, I ânka khawizu leh hnutetui ang, I silhfên pawh Lebanon rim a nam rem rem.

¹²Ka lungdi, ka bawihtei chu, Huan humhalh tlat ang hi a ni, Huan hung, tu ma khawih loh tui hna tamna ang chu.

¹³Tah chuan theibuhfai a tlim hmur a, A rah tiar tuar bawk ṭhîn. Hena leh Nard a tam êm êm.

¹⁴Nard leh safron te, ṭhal thing leh thakthîng te, Beraw leh Mura, Aloe te chînna rimtui tinrêng awmna hmun chu.

¹⁵Tah chuan tui a tam a, A luang dur dur, Lebanon tlânga hnâr nei chu.

¹⁶Hmâr thli, lo thawk teh, Chhim thli, lo tleh ta che, Ka huan hi han chhêm la, A rim chhêm darh vêl teh, Ka duh tak chu a huanah hian lo kal sela, A thei duh ber han ei rawh se.