Read Mizo Lushai HLA THLAN KHAWMTE 6 Bible Online

HLA THLAN KHAWMTE 6 - Mizo Lushai bible

HLA THLAN KHAWMTE 6

¹Aw nang, hmeichhe zînga mawi ber, Khaw nge i duh tak chu a kal, Khawi lam ber nge i duh tak chuan a pan kan han zawnpui ang che?

²Ka duh tak chu a chhuk, huanah, Rimtui huan zâwlah chuan. Berâm a tlattîr a, Lilipârte a lâwr a ni.

³Ka duh tak chu ka ta a ni, Kei pawh a ta ka ni, Lili zînga berâm tlattîrtu chu.

⁴I mawi mang e, duh tak. Tirza khawpui iangin i duhawm e, Jerusalem iangin, Ka teh ber che pheisen dâr fêng puanzâr khai nên.

⁵Hnutiang min chhawn mai teh, Min bual â zo dâwn e, A iang ngei e i bahsam chuan Gilead tlânga lêngkêl tlân thla seng seng.

⁶I hâte chu berâmla rual bual fai hlim ang a ni, A kawpkim fer mai a, Bal rêng a awm lo ve.

⁷I hmai khuhna phênah I biangte chu a tai têk si,

⁸Lalnu sawmruk leh hmei sawmriat, Nula chhiar sên lohte awm mah sela,

⁹Ka ṭhûvatê, ka enchim loh chauh hi a ni ka duh, A nu fa neih chhun, a duat bîk chu. Nulaten an hmuhin nihlawh an ti a, Lalnute leh hmeite pawhin an fak.

¹⁰Tu a ni nge zîng êng anga lo chhuak pheu hi, Chhawrthlapui leh tûrni êng a iang e, Pheisen dâr fêng puanzâr keng nên ka teh ber che.

¹¹Khawkherh hmunah ka zu chhuk a, Lui kama thil chawrno ka en dâwn e, Grepte a kuhmûm tawh emaw, theibuhfai a pâr emaw Ka zu en dâwn a ni.

¹²A kiangah chuan sâng sâwm zînga lalber Ka ni emaw ka inti a.

¹³Lâm teh, lâm teh, Sulam nula, I lâm kan thlîr dâwn a che. Engtizia nge thlîrtu zînga Sulam nula ka lâm min en duh le?