Read Mizo Lushai HLA THLAN KHAWMTE 7 Bible Online

HLA THLAN KHAWMTE 7 - Mizo Lushai bible

HLA THLAN KHAWMTE 7

¹Pheikhawk buna i pên a va mawi êm! Aw nang, milian fanu, I malte chuan a iang e lungmantam chei, Mi themthiam nawh mâm chu.

²I lai pawh hian uain tlinna no mawi a iang ngei e, I laibu lah buh chhûn vûm Lilipâra hual chu.

³I ṭângnêm chuan saza phîr, Tla dûn rial rial a iang e.

⁴I nghâwngin a iang e saingho in sâng, I mit mengin Hesbon dîl, Bath-rabbim kulh kawngkhâr kianga awm chu. I hnârin a iang e, Lebanon in sâng, Damaska khaw vênna chu.

⁵I lu chhîpin a iang e, Karmel tlângchhîp, I bahsam uai a dum ziar a, A kir chuan lal hi a zial tlat e.

⁶I va mawi êm! I duhawm ngei mai e! Ka duh tak, lung tiawi!

⁷I tlâwntlai ṭha, tûm thing angin, I ṭângnêm chuan a rah bâwr a iang e.

⁸Tûm thingah chuan han lâwn ila, A rahte chu ka lo teh ang; I ṭângnêm chu grep bâwr ang hi a ni, I thaw chuan apple rim a nam hiam e.

⁹I kam chhuak chu uain thlum ber, Lem a nuamin a tui ngei mai.

¹⁰Ka duh taka ta chu ka ni, Min ngai ve êm a ni.

¹¹Ti rawh, duh tak, phûlah lêng dûn ila, Khuaahte sâwn i riak dûn ang.

¹²Grep huanah va zîng lên ila, A chawr emaw, a pâr emaw i en dûn ang. Theibuhfai pawh a pâr emaw i en dûn ang. Tah chuan ka hmangaihna ka hlân ang che.

¹³Zâwlaidi rim a nam rem rem, Thei tui tak, lawh hlim leh a hmin dûp te, Kan kawngka bulah kan dah e. Duh tak, a hmin ṭha ṭha i tân ka khêk a nia.