Read Mizo Lushai Isaia 12 Bible Online

Isaia 12 - Mizo Lushai bible

Isaia 12

¹Chumi ni chuan heti hiani ti ang: “Aw LALPA, ka fak a che. Ka chungah hian i thinur a, Mahse, i thinur chu i la kiang a, Min tihthlamuan tâk hi.

²Ka Pathian chu min chhandamtu a ni; Amah ka ring ang a, ka hlau lo vang. LALPA, ka Pathian chu mi tichaktu, ka hla a ni. Min chhandamtu a ni.

³Chhandamna tuikhur aṭangin hlim takin tui chawi rawh u.”

⁴Chumi ni chuan heti hian in ti ang: “LALPA chu fak ula, a hming chawimawi rawh u, A thiltih chu a mite hrilh ula, A hming ropuizia hi puang darh rawh u.

⁵A thiltih ropui tak avâng hian LALPA chu fak ula, Khawvêl ram pum pui hi hriattîr rawh u.

⁶Zion tlânga awmhmun khuarte u, Hlim takin zai ula, au chiam rawh u; In zînga awm, Israel Mi Thianghlima chu A ropui êm asin.”