Read Mizo Lushai Isaia 35 Bible Online

Isaia 35 - Mizo Lushai bible

Isaia 35

¹Thlalêr leh ramro chu a lâwm ang a, Ram kawlh vel vul chu hlimin a pâr vul ang.

²Phûl pangpârte angin a pâr chhuak ang a, Hlim takin a zai ang. Lebanon tlâng angin a ropui ve ang a, Karmel tlâng leh Saron phai ang maiin a duah hluah ang. LALPA ropuina chu an hmu ngei ang, Kan Pathian mawina nên.

³Bân chau tawhte chu tichak ula, Khûp khûr tawhte pawh tichak rawh u.

⁴Rilru mangangte hnênah chuan, “Kan Pathian chuan phuba a rawn la dâwn, Intipachang ula, hlau hauh suh u, A rawn thungrûl ang a, A chhandam ngei ang che u,” ti ang che u.

⁵Mitdel mit chu a meng ang a, Bengngawng beng chu a vâr bawk ang.

⁶Kebaite pawh sakhi angin an zuang theuh theuh ang a, Ṭawngtheilo pawh hlimin an zai tawh ang. Thlalêrah tui a chik chhuak ang a, Ram rovah pawh lui a luang ang.

⁷Ram ṭau lum huam huamah dîl a awm ang a, Ram chârah chuan tuihna a irh chhuak ang. Sihal tamna, a tuallênna ramah Phairuang leh hnim a awm dul ang.

⁸Tah chuan lamlian a awm ruah ang a, “Kawng Thianghlim,” an ti ang a, Mi bawlhhlawhte an kal ve lo vang, Hei hi a ni an kalna tûr kawng chu. A kal apiang, mi â-te pawh, an bo lo vang.

⁹Tah chuan sakeibaknei a awm lo va, Ram sakawlh pawh a lo kal lo vang a, Hmuh tûr a awm hek lo vang, Tlan chhuahte kalna tûr kawng a ni si.

¹⁰ LALPA tlante an lo kîr leh ang a, Zaiin Zion an pan ang a, Chatuan lâwmna an khum bawk ang; Hlim leh lâwmin an khat ang a, Lungngaih leh ṭah a awm tawh lo vang.