Read Mizo Lushai Isaia 4 Bible Online

Isaia 4 - Mizo Lushai bible

Isaia 4

¹Chumi hunah chuan hmeichhe pasarihin mipa pakhat an man ang a, “Ei tûr leh silhfên kan intum ang a, Kan hmingchhe tûr chhilh nân I nupuiah min nei hrâm rawh,” an la ti ang.

²Chumi ni-ah chuan LALPA aṭanga zâr chawr chhuak chu a duah hluah ang a, Israel rama la awmte tân chuan ṭha tak leh tuihnai takin a rah ang.

³Zion-a thi bângte leh Jerusalem-a zuaha la awmte, Jerusalem-a nungdama awm tûra hming ziak zawng zawngte chu ‘mi thianghlim’ an ti ang.

⁴LALPA thlarau chuan Zion mite chungchâng rêl felin an bawlhhlawhna chu a sil faisak ang a, mei kan angin a thlarau chuan Jerusalem-a thisen kai chu a tifai ang.

⁵LALPA chuan Zion tlâng pum pui chungah leh chuta awm khâwmte chungah chuan chhûnah meikhu leh chhûm a dah ang a, zânah mei êng a dah bawk ang: Pathian ropuina chuan a khuh vek dâwn si a.

⁶Chu chu ni sensa laka zâr hlimtu, thlipui leh ruahpui laka humhimtu leh phen tûr a ni ang.