Read Mizo Lushai Leviticus 11 Bible Online

Leviticus 11 - Mizo Lushai bible

Leviticus 11

¹ LALPA chuan Mosia leh Arona hnênah,

²“Israel mite chu hetiang hian hrilh rawh u.

³‘Khawmuala chêng hêng sate hi in ei thei ang: a tin kâk chhuak, chaw ṭhial nawn sa tawh phawt chu in ei thei ang.

⁴Sanghâwngsei te, sangawi te, sazupuite chu in ei tûr a ni lo; hêngho sa hi sa bawlhhlawh a ni; chaw chu an ṭhial nawn a, an tin a kâk chhuak lo.

⁷Vawksa ei suh u, sa bawlhhlawh a ni, a ketin chu a kâk chhuak a; mahse, chaw chu a ṭhial nawn lo a ni.

⁸Hêng ran sate hi ei suh u, a thi ruang pawh khawih suh u, a bawlhhlawh a ni.

⁹‘Sangha chi tinrêng, luia awm te, tuifinriata awm te, dîla awm te, phuhlip leh pângparh neite chu in ei thei ang.

¹⁰Tuia chêng si phuhlip leh pângparh nei lo chu ei loh tûr a ni.

¹¹Chûng chu an tenawm a ni: an sa in ei tûr a ni lo va, a khawih pawh in khawih tûr a ni lo.

¹²Tuia chêng, phuhlip leh pângparh nei lo chu in ei tûr a ni lo.

¹³‘Hêng savate hi sava tenawm an ni, an bawlhhlawh a, ei loh tûr a ni: mupui te, lungdûp te,

¹⁴mutê te, ngawihûp chi rêng rêng te,

¹⁵choak chi rêng rêng te,

¹⁶sava sâng te, vabak te, tuifinriat sava te, mu chi rêng rêng te,

¹⁷hrângkir te, luidung mu te, chingpirinu te,

¹⁸chhimbuksialki nei te, mulukawlh te,

¹⁹kânghlai te, dîl sava chi rêng rêng te, chhuangtuarte leh bâk te.

²⁰‘Rannung thla nei, ke pali-a vâk chi rêng rêng chu in tân a tenawm a ni.

²¹Zuankah theihna tûr bawppui nei chi erawh chu in ei thei ang.

²²Khaukhuap chi te, khauchher chi te, perhpâwng chi te, khau ṭial chi te in ei thei ang.

²³Thla nei, ke pali-a vâkte chu in tân a tenawm a ni.

²⁴A thi khawih apiang tlai thlengin an bawlhhlawh ang.

²⁵A thi sa pawh silhfênin a khawih chuan sûk tûr a ni, tlai thlengin a neitu chu a bawlhhlawh ang.

²⁶‘Ran eng pawh tin kâk mah se chaw ṭhial nawn lo emaw, a tin kâk chhuak lo emaw chu a bawlhhlawh a ni, a ruang khawih apiang chu a bawlhhlawh ang.

²⁷‘Ke pali nei, ke bâwr nei chi chu an bawlhhlawh a ni, an ruang khawih chu tlai thlengin an bawlhhlawh ang.

²⁸An ruang latu chuan a thawmhnaw a su tûr a ni, tlai thlengin a bawlhhlawh ang; hêng ruangte hi in tân a tenawm a ni.

²⁹‘Leia a vaha vâkho hi in tân a bawlhhlawh bawk a ni: bui te, sazu te, tangkeu chi rêng rêng te,

³⁰chawke te, daidêp te, laikîng te, laitel te, kâwlchawr te;

³¹hêng bawkvâka kalte hi in tân a bawlhhlawh a ni. A thi khawih chu tlai thlengin an bawlhhlawh ang.

³²Tin, a thi chuan thing emaw, thawmhnaw emaw, savun emaw, ip emaw, thil dahnaa hman tawh phawt chu a delh chuan a bawlhhlawh ang a; tuia hnim tûr a ni, tlai thlengin a bawlhhlawh ang a, a thianghlim leh mai ang.

³³Hlumbêl chhûnga a tlâk chuan a chhûnga awm zawng zawng chu a bawlhhlawh ang a, a bêl chu vuak keh tûr a ni.

³⁴Thil ei theih chi rêng rêngah chutiang bêla tui lo awm chu leih a nih chuan a bawlhhlawh ve ang; chutiang bêla in theih chi awm rêng rêng pawh a bawlhhlawh ve a ni.

³⁵Hêngho thi ruang hi chhang ur bêlah emaw, khuhhriangah emaw a tlâk chuan a bawlhhlawh a, tihkeh sawm tûr a ni.

³⁶A thi ruang chu eng pawhin khawih se a khawihtu chu a bawlhhlawh a; mahse, tuikhuahah te, tuizêmahte tla se a bawlhhlawh ve lo.

³⁷Chîn atân thlai chi dah chungah tla pawh ni se thlai chi chu a bawlhhlawh ve lo.

³⁸Thlai chi chu tuia an chiah laiin hêng thi ruang hi a tlâk chuan a bawlhhlawh a ni.

³⁹‘Sa ei thiang thi sela, a ruang khawih apiang tlai thlengin an bawlhhlawh ang.

⁴⁰A sa ei chuan a thawmhnaw a su tûr a ni: tlai thlengin a bawlhhlawh ang. A sa phurtu pawhin a thawmhnaw a su tûr a ni: tlai thlengin a bawlhhlawh ang.

⁴¹‘Rannung, leia bawkvâk chi te hi in ei tûr a ni lo.

⁴²A tlenga tleng te, ke pali emaw, a aia tam emaw nei leia vâk chi rêng rêng hi in ei tûr a ni lo, a tenawm a ni.

⁴³Hêng hi in ei chuan in tenawm ve ang a, in bawlhhlawh ang.

⁴⁴Kei LALPA hi in Pathian ka ni a, invawng uluk ula, kei hi ka thianghlim a, nangni pawh in thianghlim ve tûr a ni. Leia vâk chi rêng rêng hian intibawlhhlawh suh u.

⁴⁵‘In Pathian ni tûrin Aigupta ram aṭanga hruai chhuaktu che u LALPA ka ni. In thianghlim tûr a ni, kei ka thianghlim ang hian.

⁴⁶‘Hei hi ramsa te, sava te, tui chhûngte leh lei chunga vâkte chungchânga dân chu a ni.

⁴⁷A bawlhhlawh leh bawlhhlawh lo, ei thiang leh thiang lo in thliar tûr a ni.’ ”