Read Mizo Lushai Leviticus 12 Bible Online

Leviticus 12 - Mizo Lushai bible

Leviticus 12

¹ LALPA chuan Mosia hnênah,

²“Israel-te chu hrilh rawh, ‘Hmeichhiain nau a paia, mipa a hrin chuan ni sarih chhûng a bawlhhlawh ang, thi neih chhûnga a bawlhhlawh ang khân.

³A ni riat ni chuan nausên serh chu tan tûr a ni.

⁴A thisen chhuak avângin nu chu ni sawmthum leh pathum dang a ral hma chu a thiang lo vang a, a inthen thianghlim hma chu thil thianghlim eng mah a khawih tûr a ni lo.

⁵‘Fanu hring chu ni sâwm leh pali chhûng, thi neih lai ang bawkin, a bawlhhlawh ang a, a thisen chhuak avâng chuan ni sawmruk leh paruk dang a ral hma chu a thiang lo vang.

⁶Mipa fa emaw, hmeichhe fa emaw avânga inthen fai hun a tlingtlâk hnuah Inbiakna bûk luhnaah kum khat vêla upa berâmno hâlral thilhlanah a rawn la ang a, sual thawina atân pârva emaw, ṭhuro emaw puithiam hnênah a rawn keng tel tûr a ni.

⁷Puithiam chuan LALPA hnênah thilhlan chu a hlân ang a, bawlhhlawh inthenna chu a lo tihsak ang. Hei hi hmeichhiain fa a neiha a tih tûr chu a ni.

⁸‘Hmeichhia chuan berâmno a neih zawh loh chuan ṭhuro pahnih emaw, pârva pahnih emaw a rawn hlân tûr a ni; pakhat chu hâlral thilhlan a ni ang a, pakhat chu sual thawina thilhlan a ni ang. Puithiam chuan a bawlhhlawh thenna chu a hlansak ang a, a lo thianghlim tawh ang,’ ” a ti a.