Read Mizo Lushai Leviticus 8 Bible Online

Leviticus 8 - Mizo Lushai bible

Leviticus 8

¹ LALPA chuan Mosia hnênah,

²“Arona leh a fate chu Inbiakna bûk luhnaah lo kal sela, puithiam thawmhnaw te, thih tûr hriak te, sual thawina tûr bâwngpatuai te, berâmchal pahnih leh dawidim telh loh chhang, fawngin han keng rawh se.

³Israel pungkhâwmho chu ko vek ang che,” a ti a.

⁴LALPA thupêk ang chuan Mosia chuan a ti a, an lo pun khâwm hnu chuan an hnênah,

⁵“Kan tih tûr hi LALPA thupêk a ni,” a ti a.

⁶Mosia chuan Arona leh a fate chu a rawn hruai a, dân angin a insiltîr a.

⁷Kawrhnuai te, kawrfualte chu a hâktîr a, kâwnghrên pawh a hrêntîr a. Efod a hâktîr bawk a, a hrênna mawi taka tah chuan a kâwngah a hrêng bet a,

⁸âwmbel chu a bel a, tah chuan Urim leh Thumim pawh chu a dah a.

⁹Diar chu a khimtîr a, a chalah rangkachak phêk ‘LALPA Pual’ tih ziakna kha a inbel a. Chûng chu LALPA thupêk angin a ti vek a.

¹⁰Mosia chuan hriak thih mi chu a la a, Biakbûk leh a chhûnga awm zawng zawng chu a chulh a, a tithianghlim a.

¹¹Hriak ṭhen chuan maichâm leh a bungbêl te, dâr chawhtawlh leh a hûnna te chu tihthianghlim nân vawi sarih a theh a.

¹²Hriak ṭhenkhat chu Arona lu-ah a leih a, a serh hrang ta a.

¹³Arona fate pawh chu Mosia chuan a hruai a, kawr ṭial a hâktîr a, kâwnghrên a hrêntîr a, lukhum a khumtîr bawk a; chûng chu LALPA thupêk angin a ti a.

¹⁴Mosia chuan sual thawina bâwng chu a kai a, Arona leh a fate chuan a lu-ah an kut an nghat a.

¹⁵Mosia chuan a talh a, a thisen ṭhen chu zungchalin maichâm kila ki-ahte chuan tihthianghlim nân a tât a. A tah bâng chu maichâm bulah a leihbua a; chutiang chuan maichâm chu a serh hrang a, a tithianghlim a ni.

¹⁶Mosia chuan a rîlbawh thau zawng zawng te, a thin hlâwm ṭha lai hleh te, a kal te leh a bawhtu thau te chu maichâmah chuan a hâl a.

¹⁷LALPA thupêk angin a vun te, a sa te, a rîlte chu riahhmun pâwnah a hâl a.

¹⁸Hâlral thilhlan tûr berâm pawh chu Mosia chuan a kai a, Arona leh a fate chuan a lû-ah an kut an nghat a.

¹⁹Mosia chuan a talh a, maichâm chu thisen chuan a theh kual a.

²⁰LALPA thupêk angin berâm chu a chan sawm a, a rîl te leh a bawp te chu a sil a, a lu te, a thau te leh a sa te chu maichâmah a hâl ta vek a. Hâlral thilhlan a ni a, chu chu LALPA lâwmzâwng tak a ni.

²²Mosia chuan berâm pakhat zâwk, puithiam nemnghehna chu a kai a. Arona leh a fate chuan a lu-ah an kut an nghat a.

²³Mosia chuan a talh a, a thisen ṭhenkhat chu Arona beng ding lam tengengah a hnawih a, a kutzungpui leh kezungpui ding lam hmâwr ve ve-ah a hnawih a.

²⁴Arona fate pawh chuan an rawn pan a, an beng ding lam tengengah te, an kut leh an kezungpui ding lam hmâwr ve ve-ah te a lo hnawih bawk a; a hnawih bâng chuan maichâm chu a theh kual a.

²⁵Berâm thau, a mei thau tak te, a rîlbawh te, a thin hlâwm ṭha lai hleh te, a kal te leh a bawhtu thau te leh a bawp ding lam chu a la a.

²⁶LALPA hnênah Buhbâl thilhlan, dawidim telh loh chhang tlang khat leh chhang, hriak nêna hmeh te, hriaka chhang pan tâl te chu ran thau leh a bawp chungah chuan a dah a.

²⁷Arona leh a fate kutah a hlân a, LALPA hmaah chuan an thên a, an hlân a.

²⁸Mosia chuan chûng chu a la leh a, hâlral thilhlan chungah nemnghehna thilhlanah a hâl ta a. Hei hi ei tûr thilhlan a ni; chu chu LALPA lâwmzâwng tak chu a ni.

²⁹Mosia chuan a irno chu a la a, LALPA hmaah chuan a thên a, a hlân a; chu chu puithiam nemnghehna berâm aṭanga Mosia chanpual ve chu a ni. LALPA thupêk ang chuan Mosia chuan engkim a ti a.

³⁰Mosia chuan hriak thih tûr ṭhen chu maichâma theh thisen ṭhen nên chuan a la a, Arona leh a fate chu an kawrah nên a theh a. Chutiang chuan an kawrte nên LALPA tân a serh hrang ta a.

³¹Mosia chuan Arona leh a fate hnênah, “Inbiakna bûk kawngka bulah a sa hi la ula, chhûm ula, fawnga nemnghehna thilhlan chhang nên khân LALPA thupêk angin ei rawh u.

³²In ei bâng chu, sa pawh, chhang pawh hâl vek tûr a ni.

³³Nemnghehnaa tih tûr tih kim a nih hnu, ni sarih chhûng chuan Inbiakna bûk aṭangin pâwnah in chhuak tûr a ni lo.

³⁴LALPA thupêk angin khâng thil kha in sual thawina tûrin ka ti a ni.

³⁵LALPA thupêk ang chuan ni sarih leh zan sarih Inbiakna bûk luhna bulah in awm tûr a ni. In awm duh loh chuan in thi ang, chu chu LALPA thupêk a ni,” a ti a.

³⁶Tichuan, Arona leh a fate chuan Mosia hnêna LALPA thupêk zawng zawng chu an ti ta vek a.