Read Mizo Lushai Jeremia 24 Bible Online

Jeremia 24 - Mizo Lushai bible

Jeremia 24

¹Juda lal Jehoiakima fapa Jekonia leh Juda hotute, mi themthiamte, thîrdêngte Babulon lal Nebukadnezaran Jerusalem aṭanga Babulon-a sala a hruai hnu khân LALPA chuan theipui bâwm pahnih, LALPA in kawta inhûng chu mi entîr a.

²Bâwm pakhatah chuan theipui hmin ṭha tak tak, a rah hmasa chi ang hi a awm a, pakhat zâwkah chuan theipui rah chhe tak, ei tlâk loh khawpa chhia a awm bawk a.

³LALPA chuan ka hnênah, “Jeremia, eng nge i hmuh?” a ti a. Kei chuan, “Theipui rah ka hmu, a ṭhate chu an ṭha hle a, a chhiate erawh chu chhe tak, ei tlâk loh khawpa chhia an ni,” ka ti a.

⁴ LALPA thu chu ka hnênah a lo thleng leh a.

⁵LALPA, Israel-te Pathian chuan heti hian a ti: “Juda saltâng, Kaldai rama ka tirhte chu hêng theipui rah ṭha ang hi an ni.

⁶An tâna ṭha tûrin an chungah ka mit a fu ang a, he ramah hian ka hruai kîr leh ang. Anni chu ka tungding ang a, ka ṭhiat tawh lo vang. Ka phun ang a, ka pawt tawh hek lo vang.

⁷LALPA ka ni tih an hriat theihna tûr thinlung ka pe ang. Ka mite an ni ang a, kei an Pathian ka ni ang, an thinlung zawng zawng nên ka hnênah an lo kîr dâwn si a.”

⁸ LALPA chuan heti hian a ti: “Juda lal Zedekia te, a upa te, Jerusalem-a awm te, he rama la chêngte leh Aigupta rama awmte chu theipui rah ei tlâk loh khawpa chhia ang hi an ni ang.

⁹Anni chu ram tina lalte tân ṭihkhaiah ka siam ang. Ka hnawhdarhna hmuna mite chuan hmusitin an nuihzat ang a, deusawh takin hmun tinah an hming chu ânchhe inlawh nân an hmang ang.

¹⁰An pate leh an hnêna ka pêk ramah chuan an boral vek hma chu an chungah khandaih te, ṭâm te, hri te ka lêntîr ang.”