Read Mizo Lushai Ezekiela 15 Bible Online

Ezekiela 15 - Mizo Lushai bible

Ezekiela 15

¹ LALPA chuan mi be leh a:

²“Mihring fapa, grep hrui leh a ṭangte hi ngaw thing leh a ṭangte aiin eng nge a lêm chuanna?

³“A kûng chu thil siam nân an hmangin A ṭang chu thil khai nân an siam ngai em ni?

⁴Ngai teh, meiah an tuah a, A hmâwr tuakah a alh a, A lai chu a kâng ût a, Ṭangkaina a nei tawh em ni?

⁵A kan hma pawh khân Eng siam nân mah a tlâktlai lo va, A kan uh hnu phei chuan Eng atân mah hman tlâk a ni lo.

⁶Lalpa PATHIAN chuan heti hian a ti: ‘Ngaw thing zînga grep hrui chu Tuah tûrin thu ka pe a, Jerusalem khuaa chêngte pawh chutiang chuan ka ti ta.’

⁷Kâng hmasa pumpelh mah se, Mei kângah ngei an ral ang. Ka sawisak hunah chuan LALPA ka ni tih in hria ang.

⁸Min uiresan avângin Ram chu ka tiram vek dâwn a ni,” Lalpa PATHIAN thuchhuak chuan a ti.