Read Mizo Lushai Ezekiela 2 Bible Online

Ezekiela 2 - Mizo Lushai bible

Ezekiela 2

¹Mi betu chuan, “Mihring fapa, ding teh, i hnênah thu ka sawi dâwn,” a ti a.

²A ṭawng veleh ka chhûngah Thlarau a lo lût a, min dintîr a, a thu sawi chu ka ngaithla ta a.

³“Mihring fapa, hel hmang Israel fate chu ka chungah an hel a, an hnênah ka tîr dâwn che a ni. An pate aṭangin vawiin thlengin ka chungah thil sual an ti a.

⁴An fate pawh tihmawh tak, luhlul tak an ni. An hnênah ka tîr a che: ‘Lalpa PATHIAN chuan heti hian a ti,’ i ti dâwn nia.

⁵Tichuan, hnam hel hmang tak ni mah se, an ngaithla emaw, ngaithla lo emaw, an zîngah zâwlnei a awm tih an hre dâwn nia.

⁶“Mihring fapa, nang chuan anni chu hlau suh, an thu avângin zâm hek suh ang che. I thu an awih lo vang a, an kalh ang che, khawmualkaikuang zînga awm ang mai i ni ang. Hel hmang tak an ni a, vau dai che suh se, an hmêl chu hlau hek suh.

⁷Hel hmang tak ni mah se, an ngaithla emaw, ngaithla lo emaw, ka thu hi hrilh ang che.

⁸“Tin, mihring fapa, nang chu anmahni angin hel ve suh, ka sawi hi ngaithla la, i ka âng la, ka thil pêk che hi lem rawh,” mi ti a.

⁹Kut hian mi rawn ban a, lehkhabu zial a keng a.

¹⁰Kut chuan lehkhabu zial chu a phelh a, a chhûng lam leh pâwn lam chu ziakin a khat vek a. Thu chuang chu ṭahna thu te, rûmna thu te a ni.