Read Mizo Lushai Ezekiela 35 Bible Online

Ezekiela 35 - Mizo Lushai bible

Ezekiela 35

¹ LALPA chuan a sawi a,

²“Mihring fapa, Seir tlâng lam hawi la, thu puan khum rawh:

³Lalpa PATHIAN chuan heti hian a ti: Seir tlâng, ka hua a che, I chungah ka kut ka lek ang a, Ka tiram vek ang che.

⁴I khuate chu a chim chhe vek ang a, A ram hlauh vang. Tichuan, LALPA chu ka ni tih i hria ang.

⁵“Israel fate kumkhaw hmêlma i ni a, an mangan lai tak, an sual tâwpa hrem an nih lai khân thah râl vek tûrin i hawisan vei a.

⁶‘Mi nung ka nih hi,’ Lalpa PATHIAN thuchhuak chuan a ti; chuvângin, i thisen a chhuak dâwn, i thisen zawmpuite i hua a, thisenin a ûm dâwn a che, i thi ngei ang.

⁷Seir tlângte chu ka tichim vek dâwn, a chunga veivâk apiang ka tihlum vek ang.

⁸Tlâng leh mualte chu ruangin ka tikhat ang a, ruamahte chuan khandaiha thi an lum phung ang.

⁹Chhe hlen hlauh tûr i ni, i khawpuite pawh tu man an luah lo vang; tichuan, LALPA chu ka ni tih i hria ang.

¹⁰Kei LALPA hi ka awm chhûngin, ‘Hêng hnam pahnih leh an ramte hi ka ta a ni, ka nei dâwn,’ i ti vei a,

¹¹Mi nung ka nih hi,” Lalpa PATHIAN thuchhuak chuan a ti. “Chuvângin, anmahni i huata, an chunga i thinura, i îtsîk ang hian i chungah ka che ve ang. An chunga i thiltih avângin ka hrem dâwn che a ni tih an hria ang.

¹²“ ‘Israel tlângte chu a chim ta a, kan duh duha sawisak theih a ni ta,’ tia i hmuhsit êm êmzia kha ka lo hria tih i hria ang.

¹³Ka chunga chapo taka i ṭawng thâwng thâwng kha ka hria asin.”

¹⁴Lalpa PATHIAN chuan heti hian a ti: “Ka tiram hneh khawp ang chia, i chhiat avângin khawvêl an lâwm ang.

¹⁵Ka mi, Israel ṭiau i hmuh laia i lâwm ang khân i chungah ka che ve ang. Seir tlâng chu, Edom ram pum pui nên, a ram vek dâwn. Tichuan, kei hi LALPA chu ka ni tih in hria ang.”