Read Mizo Lushai Ezekiela 9 Bible Online

Ezekiela 9 - Mizo Lushai bible

Ezekiela 9

¹Ring takin min ko va, “Khawpui enkawltute ko khâwm rawh, mi thahna tûr hriamhrei rawn keng teh se,” a ti a.

²Hmâr lama awm kawngkhâr chhakta zâwk aṭangin mi paruk, mi thahna tûr hriamhrei keng an lo kal a, an zînga pakhat chuan puan vâr a sin a, lehkhatui bûr a pai a, dâr maichâm bulah chuan an lo ding a.

³Cherub-ho chunga awm ṭhîn, Israel-te Pathian ropuina chu a tho va, sumhmunah a lo chhuak a; puan vâr sin, lehkhatui bûr paitu chu a han ko va.

⁴LALPA chuan a hnênah, “Jerusalem khawpui hi fang chhuak la, khaw chhûnga thil tenawm an tih pawiti a mangang ṭhînte chu an chalah chhinchhiah rawh,” a ti a.

⁵Ka hriatah, mi dangte hnênah chuan, “Ama rual hian khua chu fang chhuak ve ula, kut thlâk rawh u; khawngaih suh ula, dîm hlek lovin

⁶putar te, tlangvâl te, nula te, naupang te leh hmeichhiate that fai vek rawh u, an chala chhinchhiahte chauh zuah rawh u. Ka Tempul aṭangin that ṭan rawh u,” a ti a. Tempul chhûnga upa awmho chu an that ṭan ta a.

⁷An hnênah chuan, “Tempul chu tibawrhbâng ula, a tualzâwlah te mitthi ruang vawm khat rawh u,” a ti a. An kal a, khuaah chuan an che ta a.

⁸Mi an that lai chu keimah chauhvin ka en a, ka bawkkhup a, ka au va, “Jerusalem chunga i thinur avângin Israel mi la awm chhunte hi i that vek dâwn em ni?” ka ti a.

⁹Ka hnênah chuan, “Israel-te leh Juda-te bawhchhiatna hi a nasa êm mai; ram chu tualthahnain an tikhat a, khawpui pawh hleih neihnain a khah tâk hi. ‘LALPAN ram chu a kalsan a, eng mah a hmu tawh lo,’ an ti a.

¹⁰Kei pawhin ka khawngaih lo vang a, ka dîm hek lo vang; an thil tih ang ngeiin ka thungrûl ang,” a ti a.

¹¹Puan vâr sin, lehkhatui bûr pai chuan, “Thu min pêk angin ka ti zo ta,” a ti a.