Read Mizo Lushai Hosea 6 Bible Online

Hosea 6 - Mizo Lushai bible

Hosea 6

¹Hawh u, LALPA hnênah i kîr ang u, Min vaw na hle nâ a, Min tuam dam leh dâwn si.

²Ni hnih hnuah min tiharh leh ang a, Ni thum ni chuan min tinung leh ang a, Tichuan, a hmaah kan awm ang.

³Hriat i tum ang u, LALPA chu hriat i tum tlat ang u, Lei ro tihnâwng tûra ṭhâl ruah sûr ṭhîn ang hian, Zîng anga khêl lovin LALPA chu Min tiharh tûrin a lo kal ngei dâwn e.

⁴Aw Efraim, engtin nge ka tih ang che, Aw Juda, engtin nge ka tih tâk ang che? Min hmangaihna chu zîng chhûm ang leh Dai tla ral ta mai ang hi a ni.

⁵Chuvângin, zâwlneite hmangin ka tidarh che a, Ka thu-a thah in ni, In chunga ka rorêl hi êng anga chiang a ni.

⁶Inthawina aiin khawngaihna a ni ka duh, Hâlral thilhlan aiin Pathian hriatna.

⁷Anni chuan Adama angin thuthlung an bawhchhia a, Tichuan, zahpuiawm takin an khawsa ta.

⁸Gilead chu mi sualte hmunpui a ni a, Thisen a luang zuih mai.

⁹Suamhmang rualin mi an lambun ang hian, Puithiamte chuan inthawi tuma Sekem pante an châng a, An lo that ṭhîn a, a va râpthlâk êm!

¹⁰Israel chhûngkaw zîngah thil râpthlâk tak ka hmu. Efraim chu a uire a, Israel chu a intibawrhbâng zo ta.

¹¹Ka mite chanvo ka tundin leh hun chuan Nang pawh, Juda, rah seng tûr i nei ve ang.