Read Mizo Lushai Numbers 26 Bible Online

Numbers 26 - Mizo Lushai bible

Numbers 26

¹Hri lêng a reh chuan LALPA chuan Mosia leh Arona fapa puithiam Eleazara hnênah,

²“Israel pungkhâwmho zînga râlkai chin, kum sawmhnih chung lam chu a chhûng chhûnga thliarin chhiar rawh u,” a ti a.

³Tichuan, Mosia leh Eleazara chuan Moab phai, Jeriko zâwn, Jordan lui kamah chuan mipui hnênah,

⁴Mosia hnêna thupêk ang khân, Israel mi, kum sawmhnih chin chung lam, Aigupta ram aṭanga lo kalte kha chhiar rawh u,” an ti a.

⁵Israela fa tîr chu Reubena a ni; Reubena thlahte: Hanoka, Hanok hnam thlahtu; Palua, Palu hnam thlahtu;

⁶Hezrona, Hezron hnam thlahtu; Karmia, Karmi hnam thlahtu.

⁷Hêng hi Reubena thlahte chu an ni, an za-in mi sîngli leh sângthum leh zasarih leh sawmthum an ni.

⁸Palua hian fapa Eliaba a nei a,

⁹Eliaba hian Nemuela te, Dathana te, Abirama te a nei a. Dathana leh Abirama chu Kora pâwla mite kha an ni. Anniho hi LALPA lakah an hel a, Mosia leh Arona beitute kha an ni.

¹⁰Lei kakah Kora hovin an tla hlum a, mi dang zahnih leh sawmnga pawh meiin a kan hlum kha. Chu chu Israel-te ṭihkhai atân a ni.

¹¹Kora fate erawh chu an thi ve lo.

¹²A chhûngkua diat diatin Simeona thlahte chu: Nemuela, Nemuel hnam thlahtu; Jamina, Jamin hnam thlahtu; Jakina, Jakin hnam thlahtu;

¹³Zera, Zer hnam thlahtu; Saula, Saul hnam thlahtu;

¹⁴hêngho hi Simeona thlahte chu an ni, mi sînghnih leh sânghnih leh zahnih an ni.

¹⁵A chhûngkua diat diatin Gada thlahte chu: Zefona, Zefon hnam thlahtu; Hagia, Hagi hnam thlahtu; Sunia, Suni hnam thlahtu;

¹⁶Oznia, Ozni hnam thlahtu; Eria, Eri hnam thlahtu;

¹⁷Aroda, Arod hnam thlahtu; Arelia, Areli hnam thlahtu.

¹⁸Hêngho hi Gada thlahte chu an ni, mi sîngli leh zanga an ni.

¹⁹Juda chuan fapa Era leh Onana a nei a; Era leh Onana chu Kanan ramah an thi a.

²⁰A chhûngkua diat diatin Juda thlahte chu: Sela, Sela hnam thlahtu; Pereza, Perez hnam thlahtu; Zera, Zer hnam thlahtu.

²¹Tin, Pereza thlahte chu: Hezrona, Hezron hnam thlahtu; Hamula, Hamul hnam thlahtu.

²²Hêngho hi Juda thlahte chu an ni, mi sîngsarih leh sângruk leh zanga an ni.

²³A chhûngkua diat diatin Isakara thlahte chu: Tola, Tol hnam thlahtu; Pua, Pu hnam thlahtu;

²⁴Jasuba, Jasub hnam thlahtu; Simrona, Simron hnam thlahtu.

²⁵Hêngho hi Isakara thlahte chu an ni, mi sîngruk leh sângli leh zathum an ni.

²⁶A chhûngkua diat diatin Zebuluna thlahte chu: Sereda, Sered hnam thlahtu; Elona, Elon hnam thlahtu; Jaleela, Jaleel hnam thlahtu.

²⁷Hêngho hi Zebuluna thlahte chu an ni, mi sîngruk leh zanga an ni.

²⁸A chhûngkua diat diatin Josefa thlahte; Josefa chuan fapa Manasea leh Efraima a nei a.

²⁹Manasea thlahte: Makira, Makir hnam thlahtu; Makira chuan fapa Gileada a nei, Gilead-ho thlahtu chu.

³⁰Hêngho hi Gileada thlahte chu an ni: Iezera, Iezer hnam thlahtu; Heleka, Helek hnam thlahtu;

³¹Asriela, Asriel hnam thlahtu; Sekema, Sekem hnam thlahtu;

³²Semida, Semid hnam thlahtu; Hefera, Hefer hnam thlahtu.

³³Hefera fapa Zelofehada chuan fapa a nei lo; a fanute chu Malaii te, Novaii te, Hoglaii te, Milkaii te, Tirzaii te an ni.

³⁴Hêngho hi Manasea thlahte chu an ni, mi sîngnga leh sânghnih leh zasarih an ni.

³⁵A chhûngkua diat diatin Efraima thlahte chu: Suthela, Suthel hnam thlahtu; Bekera, Beker hnam thlahtu; Tahana, Tahan hnam thlahtu;

³⁶Suthela chuan Eran hnam thlahtu fapa Erana a nei a.

³⁷Hêngho hi Efraima thlahte chu an ni, mi sîngthum leh sânghnih leh zanga an ni. Chûng zawng zawng chu Josefa thlahte an ni.

³⁸A chhûngkua diat diatin Benjamina thlahte chu: Bela, Bel hnam thlahtu; Asbela, Asbel hnam thlahtu; Ahirama, Ahiram hnam thlahtu;

³⁹Sefufama, Sefufam hnam thlahtu; Hufama, Hufam hnam thlahtu.

⁴⁰Tin, Bela hian fapa Arda leh Naamana a nei a. Arda chu Ard hnam thlahtu a ni; Naamana chu Naaman hnam thlahtu a ni.

⁴¹Hêngho hi Benjamina thlahte chu an ni, mi sîngli leh sângnga leh zaruk an ni.

⁴²A chhûngkua diat diatin Dana thlahte chu: Suhama, Suham hnam thlahtu;

⁴³Hêngho hi Dana thlahte chu an ni, mi sîngruk leh sângli leh zali an ni.

⁴⁴A chhûngkua diat diatin Asera thlahte chu: Imnaa, Imna hnam thlahtu; Isvia, Isvi hnam thlahtu; Beria, Beri hnam thlahtu;

⁴⁵Beria thlahte chu: Hebera, Heber hnam thlahtu; Malkiela, Malkiel hnam thlahtu.

⁴⁶Asera fanu chu Seri a ni.

⁴⁷Hêngho hi Asera thlahte chu an ni, mi sîngnga leh sângthum leh zali an ni.

⁴⁸A chhûngkua diat diatin Naftalia thlahte: Jazeela, Jazeel hnam thlahtu; Gunia, Guni hnam thlahtu;

⁴⁹Jezera, Jezer hnam thlahtu; Silema, Silem hnam thlahtu.

⁵⁰Hêngho hi Naftalia thlahte chu an ni, mi sîngli leh sângnga leh zali an ni.

⁵¹Israela thlah chhiar tling chin chu mi nuairuk leh sîngkhat leh zasarih leh sawmthum an ni.

⁵² LALPA chuan Mosia hnênah,

⁵³“Ram chu an ro atân a chhûngkua diat diatin, an tam dân athuin sem rawh.

⁵⁴Chhûng tam deuh chu ram i pe zau deuh vang a, a tlêm deuh chu i pe zîm deuh dâwn nia, tûna hming ziak hi an tam lam chhûtna tûr a ni.

⁵⁵“An thlahtu hmingin an chan tûr ram chu ṭhumvâwra sem tûr a ni.

⁵⁶A hnam tam deuh leh tlêm deuh athuin ram chu ṭhumvâwra sem tûr a ni,” a ti a.

⁵⁷A chhûngkua diat diatin Levia chia chhiarte chu hêng hi an ni: Gersona, Gerson hnam thlahtu; Kohata, Kohat hnam thlahtu; Meraria, Merari hnam thlahtu.

⁵⁸Hêng chite pawh hi Levia thlahte an ni: Libna chi te, Hebron chi te, Mahlia chite, Musia chi te, Kora chi te. Tin, Kohata khân fapa Amrama a nei a.

⁵⁹Amrama nupui Jokebedi chu Levia thlah, Aigupta rama piang a ni; ani chuan Arona te, Mosia te leh an farnu Miriami te chu Amrama a hrinsak a.

⁶⁰Arona chuan fapa Nadaba te, Abihua te, Eleazara te, Ithamara te a nei a.

⁶¹Nadaba leh Abihua hian hman thiang lo mei, rimtui hâl nân an hmang a, an thih phah a nih kha.

⁶²Levia thlahte hi mipa, thla khat chin chung lam an chhiar chin chu: mi sînghnih leh sângthum an ni; Israel hnam zîngah ro atân ram sem ve an nih loh avângin an hming hi Israel khawchhiarbu-a telh ve loh a ni.

⁶³Moab ram, Jeriko khaw zâwn, Jordan chhak lam lui kama an awm laia Mosia leh puithiam Eleazaran Israel-te an chhiar khân khiti zât khi an ni.

⁶⁴Sinai thlalêra Mosia leh puithiam Aronan Israel mi an chhiarte kha dam an awm tawh lo.

⁶⁵LALPA chuan, ‘Thlalêrah an thi ngei ang,’ tia a sawi ang khân Jefunea fapa Kaleba leh Nuna fapa Josua chauh lo chu tu mah dam an awm tawh lo.