Read Mizo Lushai Numbers 33 Bible Online

Numbers 33 - Mizo Lushai bible

Numbers 33

¹Mosia leh Arona hovin Aigupta ram aṭanga Israel mite, a huhova an kal zêl dân chu hetiang hi a ni:

²Mosia chuan LALPA thupêk angin an chhuahna aṭanga an kalna apiang kha a indawtin a ziak zêl a.

³Thla khatna, ni sâwm leh panga niin Rameses aṭangin Israel-te chu Kalhlên Kût tûk khân Aigupta mite hmuh ngeiah anmahni thamlo takin an chhuak hlawm a.

⁴Aigupta mite lah chu an fa tîr LALPA tihhlumte kha phûmin an ṭûl a, an pathian pawhin LALPA chu a ngam lo a ni.

⁵Israel mite chu Ramases aṭang chuan Sukot-ah an riak a,

⁶thlalêr dep Etham-ah an riak leh a.

⁷Etham aṭang chuan Baal-zefon ep Pi-hahirot-ah an kual a, Migdol depah bûk an khuar a.

⁸Pi-hahirot aṭang chuan tuipui an kân a, Etham thlalêrah ni thum an kal a, Mara-ah bûk an khuar a.

⁹Mara aṭang chuan tuihna sâwm leh pahnih awmna, tûm thing sawmsarih ṭona Elim an thleng a, bûk an khuar a.

¹⁰Elim aṭangin Tuipui Sen kamah an riak a.

¹¹Chuta ṭangin Sin thlalêrah bûk an khuar a,

¹²Sin thlalêr aṭang chuan Dofka-ah an riak a.

¹³Alus-ah an riak leh a,

¹⁴chuta ṭang chuan tui in tûr awm lohna, Refidim-ah bûk an khuar a.

¹⁵Refidim aṭang chuan Sinai thlalêr an thleng a,

¹⁶an kal zêl a, Kibrot-hatava-ah bûk an khuar leh a.

¹⁷Hazerot-ah bûk an khuar leh a.

¹⁸Chuta ṭangin Ritma-ah an riak a,

¹⁹Rimon-perez-ah an riak leh a.

²⁰Chuta ṭangin Libna-ah bûk an khuar a,

²¹Risa-ah bûk an khuar leh a.

²²An kal zêl a, Kehela-ah an riak a,

²³Sefer tlângah an riak leh a.

²⁴Chuta ṭangin Harada-ah bûk an khuar a,

²⁵Mekhelot-ah bûk an khuar leh a.

²⁶An kal zêl a, Tahat-ah an riak a,

²⁷Tera-ah an riak leh a.

²⁸An kal zêl a, Mitka-ah an riak a,

²⁹Hasmona-ah bûk an khuar leh a.

³⁰An kal zêl a, Moserot-ah an riak a,

³¹Bene-jaakan-ah an riak leh a,

³²An kal zêl a, Hor-hagidgad-ah bûk an khuar a,

³³Jotbata-ah bûk an khuar leh a.

³⁴An kal zêl a, Abrona-ah an riak a,

³⁵Ezion-geber-ah an riak leh a.

³⁶Chuta ṭangin Zin thlalêr Kades-ah bûk an khuar a.

³⁷Kades aṭang chuan Edom ramri Hor tlâng an thleng a.

³⁸LALPA thu angin Aigupta ram Israel-ten an chhuahsan aṭangin kum sawmli, thla ngana, ni khat ni chuan he tlângah hian Arona chu a thi ta a.

³⁹Arona a thih chuan kum za leh sawmhnih leh pathuma upa a ni.

⁴⁰Kanan ram chhim lama awmho, Kanan mi, Arad lal chuan Israel mite lo kal thâwm chu a lo hria a.

⁴¹Hor tlâng aṭang chuan an kal zêl a, Zalmon-ah bûk an khuar a.

⁴²Punon-ah bûk an khuar leh a.

⁴³An kal zêl a, Obot-ah an riak a,

⁴⁴Moab ramria Iye-abarim hmunah an riak leh a.

⁴⁵An kal zêl a, Dibon-gad-ah bûk an khuar a.

⁴⁶Almon-diblathaim-ah bûk an khuar leh a.

⁴⁷An kal zêl a, Nebo tlâng bul Abarim tlâng an thleng a.

⁴⁸Chuta ṭangin Jordan lui kam, Jeriko khaw zâwnah, bûk an khuar ta a.

⁴⁹Jordan lui dung, Moab phairuamah chuan Beth-jesimot aṭanga Abel-sitim thlengin an inzâr a.

⁵⁰Jordan lui kam Jeriko khaw zâwn, Moab phaiah LALPA chuan Mosia hnênah,

⁵¹“Israel mite chu hrilh rawh: Jordan lui kâna Kanan ram an thlen hun chuan,

⁵²chuta awmte chu in hnawt chhuak vek ang a, an lung milim te, an phun milim te tihchhiatsak vek tûr a ni; an hmunsângte pawh ṭhiat vek ang che u.

⁵³Chûng rama chêngte chu hnawt chhuak vek ula, in luahlân tûr a ni, in neih atâna ram ka pêk che u chu a ni.

⁵⁴In chhûngkaw tam dân athuin in insem ang. Ṭhumvâwrin sem ula, in chan chu in nei zêl ang, chhûngkaw tam deuh chuan an chang zau deuh vang a, a tlêm deuh chuan an nei zîm deuh vang.

⁵⁵Chûnga lo awmte chu in hnawh chhuah vek duh loh chuan in tân hlîng ang an ni ang a, an kâp reng ang che u a, in ramah chuan an tibuai fo dâwn che u a ni.

⁵⁶Anni chu hnawh bo daih ka tiam a, in hnawh bo duh loh chuan nangni pawh ka hnawt bo vang che u,” a ti a.