Read Mizo Lushai Numbers 36 Bible Online

Numbers 36 - Mizo Lushai bible

Numbers 36

¹Josefa thlah, Manasea fa, Makira fapa Gileada thlahte chhûngkaw hotute chu an lo kal a. Mosia leh hruaituho, Israel chhûngkaw puipate hnênah chuan,

²“LALPA chuan kan pu hi Israel mite zîngah ṭhumvâwra ram sem tûrin a ti che a. LALPA vêkin kan pu chu kan unaupa Zelofehada chan ai a fanute hnêna pe tûrin a ti bawk che a.

³Israel hnam dang zînga mi pasalah nei ta se, an ram chu an chhawm ang a, an pasalte hnam ramah a bei dâwn a, kan hnam chanpual aṭangin an ram chu hnam dang chanah suan tûr tihna a ni ta a.

⁴Israel-te tâna Jubili kumah pawh an ram chu kan rama belh ni lovin an pasalte hnam rama bei tûr a ni ta si a, kan hnam ram chan chu kan hloh hlen dâwn a ni,” an ti a.

⁵Mosia chuan LALPA thupêk chu Israel-te a hrilh a, “Josefa thlahte hian an sawi dik a ni.

⁶Zelofehada fanute chungchânga LALPA thupêk chu hetiang hi a ni: An chi zînga mi chauh pasalah duh duh an nei thei ang.

⁷Tichuan, Israel hnam khat ram chu hnam dang ramah suan theih a ni lo vang. Israel-te chuan an hnam ram chu, chu hnam ngei chuan an nei reng tûr a ni.

⁸Tu fanu pawhin ram chu rochung sela, a ram neitu hnam zînga mi pasalah a nei ngei tûr a ni.

⁹Hnam khat ram chu hnam dang ramah suan tûr a ni lo, mahni hnam ram chu an nei tlat tûr a ni,” a ti a.

¹⁰Mosia hnêna LALPA thupêk ang chuan Zelofehada fanu Malaii te, Tirzaii te, Hoglaii te, Milkaii te, Novaii te chuan an pa chipui pasalah an nei ta a.

¹²Josefa fa, Manasea fate zînga mi an neih avângin an ram chu an pate ram a ni ta reng a.

¹³Moab phai, Jeriko zâwn, Jordan lui kamah hêng thupêkte leh dânte hi Israel-te tân Mosia hnêna LALPA pêk chu a ni.